Аԥсны Аҭҵаарадыррақәа ракадемиа алахәылацәа ҿыцқәа ҟалеит

© SputnikАԥсны Аҭҵаарадыррақәа ракадемиа алахәылацәа ҿыцқәа ҟалеит
Аԥсны Аҭҵаарадыррақәа ракадемиа алахәылацәа ҿыцқәа ҟалеит - Sputnik Аҧсны
Анапаҵаҩра
Yandex newsTelegram
Аԥсны Аҭҵаарадыррақәа ракадемиа актәи аилазаара алхын жьҭаара 30 1997 шықәса рзы. Абри амш иазкыз агәырӷьаратә еилатәара мҩаԥысит Аҟәа, абҵара 2 рзы.

АҞӘА, абҵара 3 — Sputnik, Анжелика Бениаԥҳа. Аԥсны Аҭҵаарадыррақәа ракадемиа актәи аилазаара алхын жьҭаара 30 1997 шықәса рзы. Абри амш иазкыз агәырӷьаратә еилатәара мҩаԥысит Аҟәа, абҵара 2 рзы. Аԥсуа ҵарауаа абри амш аҽны иранашьан адипломқәа "Аԥсны Аҭҵаарадыррақәа ракадемиа аҳаҭыртә доктор". Абри атәы иҳәеит Аҭҵаарадыррақәа ракадемиа апрезидент Зураб Џьапуа.

"Аҭҵаарадыррақәа ракадемиа Аԥҟаԥҵәа ҿыци аԥҟареи рышьаҭала ҳара ишьаҭаҳаркит аҳаҭыртә хьыӡқәа: "Аԥсны Аҭҵаарадыррақәа ракадемиа атәымтәылауаҩ лахәыла", "Аԥсны Аҭҵаарадыррақәа ракадемиа аҳаҭыртә доктор", Аԥсны Аҭҵаарадыррақәа ракадемиа аҳаҭыртә профессор", — иҳәеит Џьапуа.

Адиплом "Аԥсны Аҭҵаарадыррақәа ракадемиа аҳаҭыртә доктор" ранашьоуп: аҭоурыхдырыҩ Мира Хотелашьвили-Инал-ипа, акритик Руслан Қапба, алингвист Владимир Касланӡиа, ашәҟәыҩҩ Алексеи Гогәуа.

Аҭҵаарадыррақәа ракадемиа аиҳабы ихаҭыԥуаҩ Сергеи Бебиа иажәақәа рыла аҵыхәтәантәи ашықәсқәа рзы имҩаԥган аусура ду Академиа Аԥҟаԥҵәа архиаразы.

"Аԥҟаԥҵәа Аԥсны Ахада инапы аҵаиҩхьеит. Ҳара иахьа азинмчра змоу иурист хаҿны ҳаҟоуп", — иҳәеит Бебиа.

Бебиа иазгәеиҭеит Академиа аартра хымԥадатәны иҟалеит аибашьра ашьҭахь ҳәа. Иара аартра аԥшьгара азызуз Аԥсны раԥхьатәи Ахада иоуп. «Академиа ахыҵхырҭаҿы игылан ҳҵарауаа иреиӷьӡақәаз» — иҳәеит иара.

Аԥсны Аҭҵаарадыррақәа ракадемиа актәи аилазаара алхын жьҭаара 30 1997 шықәса рзы.

Ажәабжьқәа зегьы
0