Европа инхо ауаа Клинтон еиҳа дыргәаԥхоит меинстрим-медиа иҟарҵо аныррақәа ирыхҟьаны

© AFP 2023 / Jewel SAMADЕвропа инхо ауаа Клинтон еиҳа дыргәаԥхоит меинстрим-медиа иҟарҵо аныррақәа ирыхҟьаны
Европа инхо ауаа Клинтон еиҳа дыргәаԥхоит меинстрим-медиа иҟарҵо аныррақәа ирыхҟьаны - Sputnik Аҧсны
Анапаҵаҩра
Аилахәыра Rasmussen Reports 2016 шықәса жьҭаара 18 рзы иакьыԥхьит аҭҵаарақәа реихшьаала, уи ианарбеит изазҵааз рҟынтәи 56% АИХ (СМИ) иалшо зегь ҟанаҵоит Клинтан аԥыжәара лгарц ҳәа шырыԥхьаӡо. Саффолка ауниверситет USA Today аҿы изызҵааз рахьтә 75% ирыԥхьаӡоит АИХ (СМИ) Клинтон илыдгылоит ҳәа.

АҞӘА, абҵара 7 — Sputnik. Агәаанагарақәа иаанацҳауеит франциатәи аҭҵааратә еилахәыра iFop имҩаԥнагаз аҭҵаарақәа рыла Европа атәылауаа рҟынтәи изазҵааз рахьтә Франциа атәылауаа 56%, Италиа атәылауаа 53%, Германиа атәылауаа 50%, Польша атәылауаа 47%, Британиа атәылауаа 36%, ирҭахуп ЕАШ (США) апрезидентс Хилари Клинтон дҟаларц. Иара убри аамҭазы, аҵыхәтәантәи аҭҵаарақәа инарықәыршәаны Америка атәылауаа еиҟараны ирыдгылоит Дональд Трампи Хилари Клинтони. Асеиԥш иҟоу аиԥшымзаара ахҟьазар алшоит жәларбжьаратәи АИХ (СМИ) Клинтан илырҭо адгылара анырра. Усеиԥш агәаанагарақәа рымоуп европатәи аекспертцәагьы:

Ксавье Моро (Xavier Moreau), агеополитиказы авеб-саит Stratpol аредактор: "Абри аганахьала ҩ-гәаанагарак ыҟам. Клинтон – систематә кандидатуп. АИХ (СМИ) уи асистема иадгылоит".

Диана Джонстон (Diana Jonhstone) америкатәи ажурналист, ашәҟәыҩҩы: "Франциа имҩаԥгоу аҭҵаарақәа афранцызцәа апропаганда раҿагылара аанарԥшуеит, избанзар аҭыԥантәи АИХ (СМИ) Дональд Трамп иҿагыланы, Хилари Клинтон лзоуп апропоганда зыҟарҵо".

© SputnikЕвропа инхо ауаа Клинтон еиҳа дыргәаԥхоит
Европа инхо ауаа Клинтон еиҳа дыргәаԥхоит  - Sputnik Аҧсны
Европа инхо ауаа Клинтон еиҳа дыргәаԥхоит

Франсуа-Бернар Юиг (François-Bernard Huyghe) акоммуникациақәа русхк аҟны аексперт, далацәажәеит Франциатәи аҭҵаарақәа реихшьаалақәа: "Франциатәи АИХ (СМИ) иааҟәымҵӡакәа ирҳәо Трамп дшыбзиам, агхақәа шимоу, уи иалхра шзыҟамлоу ауп. Оумашәа избоит абарҭқәа рышьҭахь ара Трамп иҿагылоз рхыԥхьаӡара 90% иахьыҟамлаз".

Аилахәыра Rasmussen Reports 2016 шықәса жьҭаара 18 рзы иакьыԥхьит аҭҵаарақәа реихшьаала, уи ианарбеит изазҵааз рҟынтәи 56% АИХ (СМИ) иалшо зегь ҟанаҵоит Клинтан аԥыжәара лгарц ҳәа шырыԥхьаӡо. Саффолка ауниверситет USA Today аҿы изызҵааз рахьтә 75% ирыԥхьаӡоит АИХ (СМИ) Клинтон илыдгылоит ҳәа.

Апроект "Sputnik. Агәаанагара" азҵаараҭара лассы-лассы имҩаԥнагоит: Британиа ду, Еиду Америкатәи Аштатқәа, Германиа, Франциа рҟны – еиуеиԥшым асоциалтәи аполитикатәи зҵаарақәа рзы. Изызҵаауа еихыршоит шықәсыла, ахаҵара/аԥҳәысра ала, агеографиатә ҭагылазаашьа ала.

Апроект "Sputnik. Агәаанагара" иазку адыррақәа.

Ауаажәлар ргәаанагара аилкааразы жәларбжьаратәи апроект аусура иалагеит 2015 шықәса, ажьырныҳәамзазы. Апроект ацхырааҩс иқәгылеит аҭҵааратә компаниақәа Populus, Forsa, iFop. Апроект "Sputnik. Агәаанагара" аҳәаақәа ирҭагӡаны еиуеиԥшым аҵк ҷыда змоу асоциалтә, аполитикатә зҵаарақәа ирызкны лассы-лассы ауаажәлар ргәаанагара аилкааразы аҭҵаарақәа мҩаԥнагоит. Sputnik (sputniknews.com) – ажәабжьтәи арадиотәи амаҵзура атәылақәа жәпакы рҟны ахаҭарнакрақәа амоуп. Sputnik шьақәгылоуп асаитқәа, арадио, амобилтә хархәагақәа, асоциалтә каҭақәа рыла.

Ажәабжьқәа зегьы
0