Студеникин: Трамп далырхит ҳәа Аԥсны азхаҵара ццакхом

© AFP 2023 / JOHN MACDOUGALLДональд Трамп Еиду Америкатәи Аштатқәа ҩынҩажәихәбатәи президентс далырхит
Дональд Трамп Еиду Америкатәи Аштатқәа ҩынҩажәихәбатәи президентс далырхит - Sputnik Аҧсны
Анапаҵаҩра
Дональд Трамп Еиду Америкатәи Аштатқәа ҩынҩажәихәбатәи президентс далырхит.

АҞӘА, абҵара 10 – Sputnik, Владимир Бегунов. Трамп далырхит ҳәа Америка аганахьала Аԥсны азхаҵара азыԥшра иаԥсам, еиӷьуп аҩныҵҟатәи апроблемақәа рыӡбра анапалакра, иҳәеит аполитолог Александр Студеникин.

Александра Студеникин игәаанагарала Америка Аԥсны аганаьала иамоу аҟазшьа аԥсахып ҳәа агәыӷра башоуп. Трамп ииааира шьаҭанкыла америкатәи аполитика аԥсахуам.

"Аԥсны жәларбжьаратәи азхаҵара акраҵанакуеит, аха еиҳагьы аҵакы рыманы иҟоуп аҩныҵҟатәи апроблемақәа рыӡбара, ахатәы идеологиа ашьақәыргылара, — иҳәоит аполитолог. – Убарҭ апроблемақәа анаҳаӡбалак ҳазхаҵарагьы еиҳа имариахоит".

Аполитолог ишиҳәо ала Америка алхрақәа анырра рырҭоит афинансқәеи алхратә технологиақәеи знапаҿы иҟоу ауаа.

"Аштатқәа ридеологиа ауаажәларра анырра ду рнаҭоит. Даргьы алхрақәа ирылахәушәа днарбоит", иҳәоит Александр Студеникин.

США — это страна с самой тоталитарной идеологией, проникающей во все сферы общества, от элитарного до примитивного потребительского, – уверен Александр Студеникин.

Аполитолог ишиҳәо ала америкатәи адемократиа аилиузорра иныҭкааны иунарбоит Барак Обама президентс иҟалара.

"Америка ареитинг каҳауа ианалага афроамериканец Обама президентс дҟарҵеит. Уи атәыла адәныҟатәии аҩныҵҟатәии политика аԥсахуеит ҳәа агәаанагара рнаҭеит. Аха нас усеиԥш иҟамлеит, арасатә проблемақәа еиҳагьы еиҳахеит, Америка иахҟьаны икаҭәаз ашьагьы зынӡак еицамхеит, еиҳамхазар", — иҳәеит Студеникин.

Ажәабжьқәа зегьы
0