Аҩӡба: Шьамтәыла Аԥсны азханаҵар, Урыстәылеи иареи реизыҟазаашьаз ҿырԥш бзиахон

© AFP 2022 / LOUAI BESHARAШьамтәыла
Шьамтәыла - Sputnik Аҧсны
Анапаҵаҩра
НовостиTelegram
Аҭоурыхдырыҩ Аслан Аҩӡба игәаанагарала Шьамтәыла Аԥсны азханаҵар, Урыстәылеи иареи реизыҟазаашьаз ҿырԥш бзиаӡаны иҟалон.

АҞӘА, абҵара 22 – Sputnik, Бадраҟ Аҩӡба. Шьамтәыла Аԥсны азханаҵар, Урыстәылеи иареи реизыҟазаашьаз ҿырԥш бзиаӡаны иҟалон ҳәа азгәеиҭеит Аҟәа имҩаԥысуаз астол гьыжь "Шьамтәыла: ихароу, иааигәоу" аҿы.

"Ари ахҭыс ҟалон Урыстәылеи Шьамтәылеи реиҩызаратә еизыҟазаашьақәа реиҳа ишьақәзырӷәӷәо акәны. Абарҭ ашықәсқәа рыла Шьамтәыла адунеи ианарбеит иара ахатәы интересқәа рыҵагылара алшоны ишыҟоу", — иҳәеит Аҩӡба.

Урыстәылеи Шьамтәылеи реизыҟазаашьаҟны Аԥсны ахьыԥшымра азхаҵара ихадоу зҵаараны иҟазароуп ҳәа иҳәоит иара.

Иара иазгәеиҭеит Аԥсни Шьамтәылеи Адәныҟатәи аусқәа рминистрцәа реиԥылараан ишышьҭыхыз Аԥсны азхаҵара азҵаара.

"Ари азҵаара уажәакәым ианышьҭыху. 2015 шықәса ԥхынҷкәын 21 рзы Аԥсны Адәныҟатәи аусқәа рминистр Виачеслав Чрыгбеи Шьамтәыла Адәныҟатәи аусқәа рминистри реиԥылараан Чрыгба иҳәеит Шьамтәыла аганахьала Аԥсны азхаҵара уаҩ ихы изҭамыгӡаша акакәны ишыҟам", — иҳәеит Аҩӡба.

Аслан Аҩӡба иҳәеит Шьамтәыла аус шауа азинмчра змоу Аԥсны Ахаҭарнакра.

Урҭ атәыла анапхгара аус рыцыруеит.

Европатәи аидгылеи Америкатәи аштатқәеи Урыстәыла разыҟазаашьа далацәажәо аҭоурыхдырыҩ иҳәеит иџьоушьо акакәзаргьы Евроеидгыла Урыстәыла аганахьала асанкциақәа раԥыхра агәы ишҭам, уи адагьы Дональд Трамп президентс иалхра иахьмырԥшыкәа Аԥсны ԥхьаҟагьы ишымҩаԥнагало ахатәы интересқәа иҳәоит Аҩӡба.

Ажәабжьқәа зегьы
0