Мизан Зыхәба: аоппозициа ареволиуциа гәҭакны иамам

© Sputnik Илона ХварцкияАполитическатә партиа "Амцахара"
Аполитическатә партиа Амцахара - Sputnik Аҧсны
Анапаҵаҩра
НовостиTelegram
Астол гьежь "Общественно-политическая ситуация в стране - пути выхода из кризиса" мҩаԥысит Аҟәа.

АҞӘА, абҵара 23 – Sputnik, Бадраҟ Аҩӡба. Астол гьежь "Общественно-политическая ситуация в стране — пути выхода из кризиса" мҩаԥысит Аҟәа.

Аполитическатә партиа "Амцахара" ахаҭарнак иҳәеит аоппозициа ареволиуциа гәҭакны иамам ҳәа имҩаԥысыз астол гьежь "Общественно-политическая ситуация в стране — пути выхода из кризиса" аҟны.

"Сара агәра шәсыргарц сылшоит ареволиуциа гәҭакны ишҳамам азы. Абҵара 30 рзы "Амцахара" аизара ду мҩаԥысраны иҟоуп. Уаҟа егьырҭ азҵаарақәа инарываргыланы иалацәажәараны иҟоуп ажәлар рзеиԥш еизарагьы", — иҳәеит Зыхәба.

Зыхәба иажәақәа рыла аӡәгьы ажәлар ирыдигалом мчыла атәыла анапхгара рахҳәара.

"Аԥсуаа ахаангьы ирыман адемократиатә институтқәа. Урҭ ируакуп ажәлар рзеиԥш еизарагьы", — иҳәеит иара.

Мизан Зыхәба иазгәеиҭеит апартиа "Амцахара" заанаҵтәи атәыла Ахада иалхра ишадгыло.

Астол гьыжь "Общественно-политическая ситуация в стране — пути выхода из кризиса" еиҿыркааит аполитикатә партиақәа: "Народный Фронт Абхазии за справедливость и развитие", "Демократическая Абхазия", "Современная Абхазия".

Ажәабжьқәа зегьы
0