Бараҭелиа: атәылауаа акредитқәа гәахәарыла рхы иадырхәоит

© Sputnik Томас ТхайцукБеслан Барателиа.
Беслан Барателиа. - Sputnik Аҧсны
Анапаҵаҩра
НовостиTelegram
Аԥсны Амилаҭтә банк ахантәаҩы Беслан Бараҭелиа апресс-конференциа мҩаԥигеит абҵара 23 рзы, Аҟәа.

АҞӘА, абҵара 24  – Sputnik, Бадраҟ Аҩӡба. Аԥсны Амилаҭтә банк  ахантәаҩы Беслан Бараҭелиа апресс-конференциа мҩаԥигеит абҵара 23 рзы, Аҟәа. Амилаҭтә банк адыррақәа рыла 2017 шықәса анҵәамҭанӡа акредитқәа рхы иадырхәараны иҟоуп 10 000-ҩык рҟынӡа ареспублика ауааԥсыра иҳәеит Амилаҭтә банк ахантәаҩы Беслан Бараҭелиа.

"Ҳара ахархәаратә кредитҭара апрограмма аус адаҳулеит сынтәа. Иара аҭахразы иазоуҳажьит 300 миллион мааҭ. Акредит ахархәара рылшоит атәанчаҩцәа,  абиуџьеттә усҳәарҭақәа рҟны аус зуа  — абанктә картақәа зманы иҟоу" — иҳәеит Бараҭелиа.

Акарта "АԤРА" змоу дарбанызаалак имоуп алшара абанк аҟны днеины ф-улафахәык мамзаргьы ф-тәанчахәык кредит ҳасабла игарц. Бжьаратәла аулафахәытә кредитқәа идыртәоит 80-100 нызқьмааҭ, атәанчахәытәқәа – 50-60 нызқь мааҭ.

"Акарта "АԤРА" змоу зегьы рымаҵ аура  алшоит. Акредит амырхынҳәра ҳәа»аҭагылазаашьа ҳмоуцт" — иҳәеит Бараҭелиа.

Иахьазы кредит ҳасабла ирыҭахахьеит 143 миллион мааҭ. Уи рхы иадырхәеит 2871-ҩык Аԥсны ауааԥсыра.

Ажәабжьқәа зегьы
0