Аԥснытәи акаратистцәа Парижынтәи ахьы ааргеит

© Фото : http://karate.ruАрхивное фото каратэ
Архивное фото каратэ - Sputnik Аҧсны
Анапаҵаҩра
Карате-до Шатакан азы V адунеи Ахраҿа агаразы аицлабрақәа рахь ицаз аԥсуа каратистцәа рылшамҭақәеи ишцази дрылацәажәоит Афедерациа апрезидент Ахра Абыхәба.

АҞӘА, абҵара 24  – Sputnik, Роберт Џьопуа. Ареспублика акаратистцәа Карате-до Шатакан азы V адунеи Ахраҿа агаразы аицлабрақәа рҟны амедалқәа хәба ргеит Франциа аҳҭнықалақь Париж иҳәеит  Аԥсны карате-до Афедерациа апрезидент Ахра Абыхәба.

"Акоманда шьақәгылан жәҩык аспортсменцәа рыла. Ҳара ҳкаратистцәа алахәын адисциплинақәа  катеи кумитеи рҟны аиндаҭларақәа. Ахьтәы медалқәа ҩба ранашьахеит Николь Агәмааи Сослан Бигәааи, араӡны медалқәа роуит Роза Бигәааи Сима Ҳаразиеи, аџьаз ианашьахеит Леон Ешба", — иҳәоит Абыхәба.

Ахры Абыхәба иажәақәа рыла Франциаҟа рцара ауадаҩрақәа акыр аҵан. Урҭ ируакын авизақәа рыҭара мап ацәкра.

"Ҳара иаҳгәиҭан Франциаҟа Испаниа ҳалсны ацара, аха Испаниатәи Ацҳаражәҳәарҭа авизақәа рзы мап ҳацәнакит. Аицлабрақәа реиҿкааҩцәа рыцхыраарала Франциаҟа авизақәа роура алыршахеит", — иҳәеит иара.

Карате-до Шатакан Казе Ха жәларбжьаратәи Афедерациа иалоуп 22 тәыла.  Франциа имҩаԥысыз аиндаҭлара рхы аладырхәит 11 команда. Аԥснытәи акаратистцәа ҿарацәа уахь рцараҿы ацхыраара ҟарҵеит  атәыла анапхгара, аҳҭнықалақь  аҿари аспорти рзы аилак.

Ажәабжьқәа зегьы
0