Хаԥаҭ: аԥжәарақәа раан адиаспораҟынтәи аӡәгьы ааха имоуит

© РИА Новости/Аврора . Виктория ВиатрисАцхыраара лассы амашьына архивтә фото
Ацхыраара лассы амашьына архивтә фото - Sputnik Аҧсны
Анапаҵаҩра
НовостиTelegram
Адан ақалақь аҟны асааҭ 08.05 мск рзы агубернатор итәарҭа аҭыԥ ааигәара иԥжәан автомашьына.

АҞӘА, абҵара  24 ноя – Sputnik, Бадраҟ Аҩӡба. Адан ақалақь аҟны асааҭ 08.05 мск рзы агубернатор итәарҭа аҭыԥ ааигәара иԥжәан автомашьына. Насыԥны автомашьына аԥжәараан  адиаспора аҟынтәи аӡәгьы ааха имоуит ҳәа ааицҳаит  ҳкорреспондент дзыҿцәажәаз Ҭырқәтәыла иҟоу аԥсуа культуратә центрқәа Рфедерациа ахантәаҩы Аҳмаҭ Хаԥаҭ.

Иара иазгәеиҭеит:  Ҭырқәтәыла инхо аԥсуа диаспора атерроризм иақәыӡбоит ҳәа.

"Ҳара, аԥсуаа  атерроризм ҳазҳадкылом. Идыру акоуп иарбанызаалак ажәлар рбызшәа, ркультура, рхаҭашьара рыхьчар шакәу. Атерроризм акәзар урҭ акгьы рзы ихәарҭаны иҟам, хықәкыкгьы азыӡбоны иҟам", — иҳәеит иара.
Аҳмаҭ Хаԥаҭ иажәақәа рыла адиаспора гәҭынчымрыла ирыдыркылеит иҟалаз ахҭыс.

"Ҭырқәтәыла аҭагылазаашьа шҭышәынтәалам идыру акоуп. Иарбанызаалак машьынак, уаҩ дызҭатәам анаабо  абри бомбак ҭамзаатишь ҳәа ҳхәыцуа ҳҟалахьеит. Шьамтәылатәи аибашьра ҳрегион шәарҭаны иҟанаҵеит. Сара сгәы иаанагоит  Ҭырқәтәылеи Урыстәылеи еиҳа еизааигәаны аусеицура хацдыркыр аатерроризм аҿагылара аганахьала, асеиԥш иҟоу ахҭысқәагьы еиҳа имаҷхон", — иҳәеит Хаԥаҭ.

Хаԥаҭ иазиԥхьаӡоит атеррористцәа рус аисламтә идеологиа ала ихырҩарц рҭахуп ҳәа. Аԥжәара мҩаԥысит асааҭ  08.05 мск рзы Адан ацентр аҟны.
Агубернатор Махмут Демирташ ҩыџьа ауаа ҭахеит 16-ҩык ахәрақәа роуит ҳәа адырра ҟаиҵеит. Атерракт мҩаԥылгеит аԥҳәыс ҳәа агәҩара ыҟоуп.

Ажәабжьқәа зегьы
0