Аиқәшаҳаҭра ҿыц анапы аҵаҩхоит

© Sputnik / Томас ТхайцукАеш. Архивтә фотосахьа
Аеш. Архивтә фотосахьа - Sputnik Аҧсны
Анапаҵаҩра
Аԥснытәии Урыстәылатәии аҳәырԥсаррақәа рҟны аԥстәқәа рхылаԥшразы иаку асистема аԥҵаразы Аиқәшаҳаҭра анапы аҵаҩхоит 2016 шықәса рзы.

АҞӘА, абҵара 29  — Sputnik. Аԥснытәии Урыстәылатәии аҳәырԥсаррақәа рҟны аԥстәқәа рхылаԥшразы иаку асистема аԥҵаразы Аиқәшаҳаҭра анапы аҵаҩхоит 2016 шықәса рзы ҳәа ажурналистцәа иреиҳәеит Кавказтәи аҳәынҭқарратә биосфератә ҳәырԥсарра адиректор  Сергеи Шевелев.

Иара иажәақәа рыла уажәы ахәаԥшразы ихиоуп Аԥсни  Краснодартәи атәылаҿацә Кавказтәи аҳәырԥсарреи, Домбаии Архызи иҟоу Ҭебердатәи аҳәырԥсарреи рыбжьара атранскоридор аҟаҵаразы аиқәшаҳаҭра.

Уи иалнаршоит  иаԥнаҵарц аԥсабаратә ҵакырадгьылқәа рыхьчареи рхылаԥшреи рзы иаку асистема.

"Апрограмма аҵак ду аманы иҟоуп. Аиқәшаҳаҭра анапы аҵаҩхар, аԥстәқәа рыхьчаразы илҵшәа духон. Иахьазы иҟам иаку ахылаԥшра. Дасу хаз-хазы аус руеит. Иазыԥхьагәаҭоуп сынтәатәи ашықәс азы аиқәшаҳаҭра ҳнапы аицаҵааҩып ҳәа", — иҳәеит  Шевелев

Иара убасгьы иҳәеит Кавказтәи аҳәынҭқарратә биосфератә ҳәырԥсарраҟны ишцо активла аусурақәа кавказтәи азубри азиаԥхьатәи алеопарди рыҿиара аиҭашьақәыргыларазы.

Ажәабжьқәа зегьы
0