Польшатәи ашәҟәыҩҩы Славомир Мрожек ипиесаҟны аҩбатәи адунеизегьтәи аибашьра анҵәамҭеи аполитикатә система ихацнаркыз аибашьреи, ирыбжьанакыз аамҭеи раарԥшра иҽазишәеит.
Аспектакль ақәыргылаҩ Валери Ақаҩба иажәақәа рыла, апиеса ақәыргыларазы аусурақәа ҩымыз инареиҳамкәа имҩаԥысуан. Уи аамҭа иҭагӡаны аԥсуа атеатр атруппа 35 репетициа мҩаԥыргеит.
Аспектакль иалахәуп 20-ҩык рҟынӡа артистцәа, урҭ рахьтә: Ҭеимураз Чамагәуа, Кьесоу Ҳагба, Адгәр Малиа уҳәа Аԥсны еицырдыруа актиорцәа.
1/8
© Sputnik / Томас Тхайцук
Ҩымыз ирҭагӡаны Аԥсуа Аҳәынҭқарратә адраматә театр атруппа аспектакль "Шьапала" 35 рҟынӡа арепетициақәа мҩаԥнагеит. Аспектакль иалахәуп 20-ҩык рҟынӡа артистцәа, урҭ рахьтә: Ҭеимураз Чамагәуа, Кьесоу Ҳагба, Адгәр Малиа уҳәа Аԥсны еицырдыруа актиорцәа.
2/8
© Sputnik / Томас Тхайцук
"Абсурд ҳәа изышьҭоу атеатр ауп ари апиеса ахьаҵанакуа. Сара уи – абсурд сашьҭан аматериал анеилсыргоз, аха исзымыԥшааит. Апиеса ламыс змам аԥхамшьақәа ирзеилкааӡом, еилызкаауо, изызку аромантикцәа роуп. Апиеса иуморлеи лаӷырӡылеи иҭәуп – уи иара ашәҟәыҩҩы Морожек идраматургиа злаудыруа акуп", – иҳәеит Аԥсны жәлар рартист Кьесоу Ҳагба.
3/8
© Sputnik / Томас Тхайцук
Аԥсны зҽаԥсазтәыз артист Ҭеимураз Чамагәуа польшатәи апиеса иахьатәи еилабгауа адунеи шаанырԥшуа атәы азгәеиҭеит. "Асценаҟны имҩаԥысуа зегьы ҳара ҳаибашьра аамҭазтәи, аибашьра ашьҭахьтәии аамҭақәа рнубаалоит, иара иахьатәи ҳаԥсҭазаарагьы – адунеи абгара, аныԥшуеит, ҳәа ишьақәҳарӷәӷәар ҳалшоит", – иҳәеит Чамагәуа.
4/8
© Sputnik / Томас Тхайцук
Аспектакль аҟны асатиреи алирикеи аҭыԥ ҷыда ааныркылон. Аԥуса актиорцәа ррольқәа емоциала, експрессиала ирбеианы инарыгӡеит.
5/8
© Sputnik / Томас Тхайцук
Польшатәи ашәҟәыҩҩы Славомир Мрожек ипиесаҟны аҩбатәи адунеизегьтәи аибашьра анҵәамҭеи аполитикатә система ихацнаркыз аибашьреи, ирыбжьанакыз аамҭеи раарԥшра иҽазишәеит. Атема трагедиала ишҭәугьы аԥсуа артистцәа ррольқәа нарыгӡон аиумор аҵаҵаны.
6/8
© Sputnik / Томас Тхайцук
Ари ҳзышьццылам аибашьратә ҭоурыхуп, аха иаҳбац ахыҿсахьақәа роуп иаарԥшу. Апиеса афырхацәа ашәа рҳәоит, икәашоит, избанзар аибашьра лассы ишеилго агәра ргоит.
7/8
© Sputnik / Томас Тхайцук
Аби аԥеи, аинтеллигенти иԥшәмаԥҳәыси, апоручики, зцәазтәыму аԥҳәыси, арҵаҩи, амузыканти уҳәа - араҟа иҟаӡам ахьыӡқәа. Урҭ аибашьра аамҭа иагәылоу ауаа еиқәшәоит ҭыԥк аҟны, машәырла.
8/8
© Sputnik / Томас Тхайцук
Аспектакль "Шьапыла" ақәыргылаҩ Валери Ақаҩба Аԥсуа Ҳәынҭқарратә адраматә театр асценаҟны имаҷымкәа аинтерес зҵоу аспектакльқәа цәыригахьан, урҭ рхыԥхьаӡарахь иҟоуп "Горе от ума", "Юлий Цезарь" уҳәа егьырҭгьы. Атеатр актиорцәа ражәақәа рыла, уи аҩыза тематикала, аамҭала аиԥшымзаарақәа - ԥышәа бзиоуп аԥсуа артистцәа рзы, еиҳарак артист ҿарацәа рзы.
