Илона Хәарцкьиаԥҳаи афотоконкурси "Небо, самолет, Turkish Airlines"

© Фото : Илона ХварцкияФотография Илоны Хварцкия
Фотография Илоны Хварцкия - Sputnik Аҧсны
Анапаҵаҩра
Sputnik Аԥсны абильд-редактор Илоны Хәарцкьиаԥҳа лфотоҭыхымҭақәа аҵанакит афотоконкурса "Небо, самолет, Turkish Airlines" алахәылацәа русумҭақәа иреиӷьу ҳәа иалхыз рхыԥхьаӡарахь. Афотоцәыргақәҵа аартын Москва, Жәларбжьаратәи аҳаиртә баӷәаза "Внуково" аҟны.

Илона Хәарцкьиаԥҳа лусумҭа ҭыхын 2016 шықәса рзы, Сҭампылтәи аҳаиртә баӷәазаҟны.

Мышқәак ракәын ирыгыз Сҭампылтәи ԥхынгәытәи ахҭысқәа.

"Аҳәынҭқарратә мчра мчыла ахҳәаразын аҽазышәарақәа раан сара ҭырқәтәыла сыҟан, — лҳәоит Илона. — Ԥхынгәы  15 рзы ақалақь ҳнеи-ааиуа ҳалан. акаҳуажәырҭаҟны ҳахьтәазынтә иаабеит илаҟәны иԥыруаз аҳаирплан, аха рацәак ҳазхьамԥшит. аҩныҟа ҳанаауаз, аметро аҟны иаабеит ауаа рыгәқәа ҭынчымкәа ишеилауаҭыруаз. Ҳара иҟаз-ианыз ҳәа акгьы ҳаздырамызт. аметро аҭыҵырҭаҿ урысшәала ҳшеицәажәоз заҳаз туристкак иҳалҳәеит ажәабжь".

Илона аҟәатәи Sputnik аофис ахь аинформациа аашьҭра далагеит.

Илона Хәарцкьиаԥҳа илҳәеит иалкаахаз афотогҭыхымҭа Сабихи Гекчен ихьӡ зху аҳаиртә баӷәазаҟны, ашьыжь ишыҟаҵаз.

Мызк аԥхьа аинтернет аҟны илымԥыхьашәеит аинформациа ажурнал "Вокруг света" имҩаԥнагоз афотоконкурс Turkish Airlines азы. Илона илгәалалшәеит Сҭампылтәи аҳаиртә баӷәазаҟны, ашьыжь иҭылхыз афотосахьа.

Апрофессионалтә жиури Илона лфотосахьа ацәыргақәҵаҟны иреиӷьу ҳәа иалыԥшааз аусумҭақәа рахь иаҵадыркит.

Ацәыргақәҵа мҩаԥысуеит ажьырныҳәа 12  2017 шықәса рзынӡа. года. Илон занааҭла дмаркетологуп, аха еиуеиԥшым аусхкқәа рҟны лхы ԥылшәоит. Акинои афотоҭыхымҭеи – лзанааҭқәа ируакны иҟалеит.

"Афотоҭыхра салагеит ашкол санҭаз аахыс. Уи сара сзы ибзиабара духеит", — ллҳәоит Илона.

Илона Хәарцкьиаԥҳа Урыстәылеи Италиеи аԥхьахәқәа занашьахаз асахьаркыратә фильм "Зафар" авторс дамоуп.

Ажәабжьқәа зегьы
0