АҞӘА, ԥхынҷкәын 5 — Sputnik. Урыстәылатәи арратә база Аладатәи арратә округ амотохысратә ҟәша аруаа абронетранспартиор ҿыцқәа БТР-82АМ рԥышәара иалагоит. Абри атәы аанацҳаит Аладатәи арратә округ апресс-маҵзура.
Аҽазыҟаҵарақәа раан аиҳарак ирызхьаԥшраны иҟоуп арратә базахь ҿыц инеиз разыҟаҵара. Аладатәи арратә округ апресс-маҵзура ишаанацҳауа ала аԥышәа змоу аинструкторцәа рнапхгарала аруаа қәыԥшцәа абронетранспортиорқәеи арратә машьына дуқәеи еиуеиԥшым ауадаҩрақәа змоу амҩақәа рҟны рырныҟәара аҷыдарақәа рҵоит, азанааҭ рнапахьы иааргоит.
Аруаа рҽазыҟаҵарақәа мҩаԥыслоит ԥхынҷкәынмза нҵәаанӡа, ихыркәшахоит БТР-82АМ, агранатаршәгақәа РПГ-7, апулеметқәа "Печенегрҟынтәи ахысрақәа рымҩаԥгарала.
Аҽазыҟаҵарақәа ирылахәхоит 500-ҩык рҟынӡа аруаа, 90 цыра арратә техника. Абрахь иаҵанакуеит икәылӡырку автомашьынақәа КамАЗ "Мустанг" абронетранспотриорқәа БТР-82 АМ.
