Рауль Ҳаџьымба аполитикатә ҭагылазаашьа дахцәажәеит

© Sputnik / Томас ТхайцукАԥсны Ахада Рауль Ҳаџьымба
Аԥсны Ахада Рауль Ҳаџьымба - Sputnik Аҧсны
Анапаҵаҩра
НовостиTelegram
Аԥсны Ахада Рауль Ҳаџьымба ахаша, ԥхынҷкәын 7 рзы Ауаажәларратә палата аилазаара ҿыц дырԥылеит

АҞӘА, ԥхынҷкәын 7 – Sputnik, Бадраҟ Аҩӡба. Аԥсны Ахада Рауль Ҳаџьымба ахаша, ԥхынҷкәын 7 рзы Ауаажәларратә палата аилазаара ҿыц дырԥылеит. Аиԥылараан  иара атәылаҟны иҟоу аполитикатә ҭагылазаашьа имариам акоуп ҳәа азиҳәеит.

"Аӡәгьы иҳәаӡом аиҿцәажәара ыҟамзароуп ҳәа. Апарламент аҟны ирыдыркылаз адокумент акәзар сгәаанагарала иалшароуп ацивилизациатә ҟазшьа змоу аицәажәарахь акылгара. Иара убри аан  атәыла Ахада иаҳасаб ала иарбанызаалак адҵа адкылара сақәшаҳаҭӡам. Амчра акы ақәшаҳаҭра адагьы иҟоу аилагарақәа рҿагылара, рызхьаԥшра алшозароуп» — иҳәеит иара.

Џьоукы-џьоукы ргәы иаанагоит ақәыӷәӷәарала рус нарыгӡарашәа ҳәа азгәеиҭеит Ҳаџьымба.

"Ҳара ара ҳрацәаҩым. Зегьы зегьы ҳаибадыруеит. Дасу дзакәугьы аадыруеит", — иҳәеит иара.

Ахылаԥшратә палата иаанарԥшыз аилагарақәа дрылацәажәо  ҳаџьымба иҳәеит агәаҭарақәа иара идҵала шакәыз ишымҩаԥгаз. Аамҭасгьы ишрыҵаркуа 2012 шықәса инаркны 2015 шықәса алагамҭанӡа.

Атәыла Ахада иҳәеит аоппозициаа рыҽшазыршәо атәыла анапхгара амал еимырҵәазшәа ауаа рызнагара.

"Аимҵәара ҳҭахны ҳаҟаӡазаргьы 2015 шықәса рзы 400 миллион мааҭ роуп аинвестициатә ԥарақәа ҳәа иҳауз. Урҭ зегьы  иахьырҭыԥыз инаҳашьҭит» — иҳәеит иара.

Иара убри аан атәыла Ахада иҳәеит агхақәагьы аҭыԥ рыманы ишыҟоу, аха аҳәынҭқарра иалшо зегь шыҟанаҵо урҭ раԥыхразы.

Ажәабжьқәа зегьы
0