Европеи Америкеи ртәылауаа адопинг мап ацәыркуеит

© Sputnik / Руслан Кривобок / Амедиаҵәахырҭахь аиасраЕвропеи Америкеи ртәылауаа адопинг мап ацәыркуеит
Европеи Америкеи ртәылауаа адопинг мап ацәыркуеит - Sputnik Аҧсны
Анапаҵаҩра
Азҵаарақәа рхы рыладырхәит 18 шықәса иреиҳау 7043-ҩык ауааԥсыра, Франциа, Германиа, Испаниа, Италиа, Польша рҟынтәи. Абри аан иазхьаԥшуп ахаҵа/аԥҳәыс, ақәра, анхарҭаҭыԥ. Аҭҵаарақәа мҩаԥнагеит аилахәыра iFop.

АҞӘА, ԥхынҷкәын 9 — Sputnik. Азҵаарақәа инарықәыршәаны европатәи америкатәи ауааԥсыра аспортсменцәа "амедицина аҭахрақәа рыла" ҳәа адопинг рыдкылара иашам ҳәа ирыԥхьаӡоит. Азҵаарақәа ахьымҩаԥгаз атәылақәа рҟны асеиԥш иҟоу адопинг иаҿагылоу еиҳауп, иақәшаҳаҭу раасҭа. Убас, "адопинг азин" мап ацәыркуеит Италиа атәылауаа 50%, Франциа атәылауаа — 48%, Германиа атәылауаа — 50%, Польша атәылауаа — 66%. Еиду Америкатәи Аштатқәа рҟны адопинг мап ацәыркуеит 45%, Испаниа — 41%, Британиа Ду — 38%.

Изазҵааз рҟынтәи иҟоуп аспортсменцәа зегьы адопинг рыдкылара ахәҭоуп ҳәа изыԥхьаӡо. Абри аидеиа адгылара еиҳарак иаиуит: англызцәа —22%, аиспанцәа — 19%, анемеццәа — 19%, англызцәа — 22%, аполиакцәа —11% рҟны.

Иҟоуп ззин ыҟоу адопинг аспортсменцәа ирыдыркылар ҟалоит ҳәа изшьогты: аиспанцәа — 31%; америкаа — 28%; аполиакцәа — 14%. Аинформациатә маҵзуеи арадиои Sputnik иҟанаҵаз аҳәарала азҵаараҟаҵара мҩаԥнагеит аҭҵааратә еилахәыра iFop 2016 шықәса жьҭаара 22 инаркны 26 рҟынӡа. Азҵаарақәа ирылахәын 5019-ҩык ареспондентцәа, 18-64 шықәса ирыбжьанакыз.

Апроект "Sputnik. Агәаанагара" азҵаараҭара лассы-лассы имҩаԥнагоит: Британиа ду, Еиду Америкатәи Аштатқәа, Германиа, Франциа рҟны – еиуеиԥшым асоциалтәи аполитикатәи зҵаарақәа рзы. Изызҵаауа еихыршоит шықәсыла, ахаҵара/аԥҳәысра ала, агеографиатә ҭагылазаашьа ала. Апроект

"Sputnik. Агәаанагара" иазку адыррақәа.

Ауаажәлар ргәаанагара аилкааразы жәларбжьаратәи апроект аусура иалагеит 2015 шықәса, ажьырныҳәамзазы. Апроект ацхырааҩс иқәгылеит аҭҵааратә компаниақәа Populus, Forsa, iFop. Апроект "Sputnik. Агәаанагара" аҳәаақәа ирҭагӡаны еиуеиԥшым аҵк ҷыда змоу асоциалтә, аполитикатә зҵаарақәа ирызкны лассы-лассы ауаажәлар ргәаанагара аилкааразы аҭҵаарақәа мҩаԥнагоит. Sputnik (sputniknews.com) – ажәабжьтәи арадиотәи амаҵзура атәылақәа жәпакы рҟны ахаҭарнакрақәа амоуп. Sputnik шьақәгылоуп асаитқәа, арадио, амобилтә хархәагақәа, асоциалтә каҭақәа рыла.

Ажәабжьқәа зегьы
0