Ауаажәларра-политикатә ҭагылазаашьа иалацәажәан астол гьежь аҟны

© Sputnik / Томас ТхайцукАветерантә еиҿкаарақәа рхаҭарнакцәа ареспубликаҿ иҟоу ауаажәларра-политикатә ҭагылазаашьа иалацәажәеит
Аветерантә еиҿкаарақәа рхаҭарнакцәа ареспубликаҿ иҟоу ауаажәларра-политикатә ҭагылазаашьа иалацәажәеит - Sputnik Аҧсны
Анапаҵаҩра
Аветерантә еиҿкаарақәа рхаҭарнакцәа ареспубликаҿ иҟоу ауаажәларра-политикатә ҭагылазаашьа иалацәажәеит.

АҞӘА, ԥхынҷкәын 13 – Sputnik, Роберт Џьопуа. Аветерантә еиҿкаарақәа рхаҭарнакцәа ареспубликаҿ иҟоу ауаажәларра-политикатә ҭагылазаашьа иалацәажәеит ашәахьа, ԥхынҷкәын 12 рзы. Аҭагылазаашьа акыр иуашәшәыроуп ҳәа ахиҳәааит астол гьыжь аҟны леон иорден занашьоу, аибашьра аветеран Илиа Гәниа.

"Ауаажәларра "ҳа ҳтәы" "шәа шәтәы" ҳәа рҽыршеит. Уи аӡәгьы изы имаӡаӡам. Ҳара азин ҳамаӡам усеиԥш аҟаҵара. Апроблемақәа аҭыԥ рымоуп аха еицәажәарыла, ҳаҭыреиқәҵарыла иузымыӡбо зҵаара ыҟаӡам", — иҳәеит Гәниа.

Иара убасгьы иазгәеиҭеит иҟоу апроблемақәа аультиматум ҟазшьа аҭаны рыӡбра шзалмыршахо.

Аԥсны Афырхаҵа Геннади Марганиа ареспублика иқәынхо ажәлар, аибашьра аветеранцәа рахь ааԥхьара ҟаиҵеит азакәан еиларымгарц, иқәныҟарц.

"Ҳара иҳамоу ҳахьчароуп. Амца аркра мариоуп. Арцәароуп ицәгьоу. Ҳахшара иахьа гхак ҳаур иҳанарыжьраны иҟаӡам. Аҳәынҭқарра ахьӡала ажәлар ԥхьаҟатәи рԥеиԥш ахьӡала аҭынчра еиқәҳархароуп. Ҳконституциа ишаҳәо ҳхы мҩаԥаагароуп", — иҳәеит иара.

Аԥсны Афырхаҵа Сергеи Матосиан иажәақәа рыла ауаа аизыӡырыҩрра рыцәмаҷхеит.

"Аӡәи-аӡәи ҳаибацәымыӷхеит. Ҳамбициақәа аҳәынҭқарреи ажәлари ринтересқәа иреиҳаны иаабо иҟалеит. Зегьы сшәыҳәоит – шәааи ҳаангылап", — иҳәеит Матосиан.

Аветерантә еиҿкаарақәа рхаҭарнакцәа ареспубликаҿ иҟоу ауаажәларра-политикатә ҭагылазаашьа иалацәажәеит ашәахьа, ԥхынҷкәын 12 рзы.

Ажәабжьқәа зегьы
0