Басариа: ашәахтә ԥыжәарақәа анаплакыҩцәа ламысцқьала аус руртә иҟарҵоит

© Sputnik / Томас Тхайцуказиндырыҩ Олег Басариа
азиндырыҩ Олег Басариа - Sputnik Аҧсны
Анапаҵаҩра
НовостиTelegram
Анаплакыҩцәеи аҳәынҭқаррази иаԥҵоу ашәахтә ԥыжәарақәа акыр хра рыманы иҟалоит ҳәа ишьоит азиндырыҩ Олег Басариа.

АҞӘА, ԥхынҷкәын 13 – Sputnik, Роберт Џьопуа. Аԥсны Аекономика аминистрраҟны аус зуа Ауаажәларратә експерттә хеилак аус зыднаулаз "Ашәахтә ԥсшьарақәеи, ашәахтәқәҵараҿ аԥыжәарақәеи анаплакытә усура асубиектқәа рзы апреференциақәеи" ҳәа Азакәан Апроект иалнаршоит имаӡоу асхемақәа ахрархәарада абизнес амҩаԥгара иҳәоит азиндырыҩ Олег Басарая.

"Дарбанызаалак ауаҩы, акоммерциатә ус нап алазкыз иара убри аус аҟны ашәахтәқәа рҟынтәи ихы дақәиҭтәхоит хышықәса инаркны хәышықәсанӡа. Ари иалнаршоит анаплакҩы иус ламысцқьала анагӡара, ашәахтә иҽацәыхьчаны асхема маӡақәа ҟаимҵаларц. Аԥсны аҩныҵҟа ари даара ихәарҭоу усуп", — иҳәоит азиндырыҩ.

Басариа иазиԥхьаӡоит ашәахтә ԥсшьарақәа анаплакҩы имацара иакәым ареспублика зегьы азы ихәарҭоуп ҳәа.

Азиндырыҩ Олег Басарая Sputnik Аԥсны иеиҭаз арадиоинтервиу шәазыӡырҩыр ҟалоит абра

"Абри азакәан имҩаԥнаго алшара зегь рзы иманшәалахоит. Уи иалнаршоит ауаа хыԥхьаӡара рацәала анаплакра разхьарԥшра", — иҳәеит Олег Басариа.

Ажәабжьқәа зегьы
0