Кациа: афымцалашара арцәара амзызқәа рацәоуп

© Sputnik / Сергей Мальгавко / Амедиаҵәахырҭахь аиасра"Амшынеиқәафымцамч" анџьныр хада Ҭимур Кациа еиҭеиҳәеит ареспубликаҟны аҭыԥ змоу афымцалашара арцәара амзызқәа ртәы
Амшынеиқәафымцамч анџьныр хада Ҭимур Кациа еиҭеиҳәеит ареспубликаҟны аҭыԥ змоу афымцалашара арцәара амзызқәа ртәы - Sputnik Аҧсны
Анапаҵаҩра
НовостиTelegram
Ареспубликатә унитартә наплакы "Амшынеиқәафымцамч" анџьныр хада Ҭимур Кациа ҳкорреспондент изеиҭеиҳәеит ареспубликаҟны аҭыԥ змоу афымцалашара арцәара мзызқәаны иамоу ртәы.

АҞӘА, ԥхынҷкәын 13 – Sputnik, Бадраҟ Аҩӡба. Ареспубликатә унитартә наплакы "Амшынеиқәафымцамч" анџьныр хада Ҭимур Кациа ҳкорреспондент изеиҭеиҳәеит ареспубликаҟны аҭыԥ змоу афымцалашара арцәара мзызқәаны иамоу ртәы.

Афымцалашара арцәара имзыз хаданы иамоу иара иақәу ахьанҭароуп иҳәеит Кациа.

"Сынтәатәи ашықәс азы афымцатә ҳақәа зҵалаз аидара 10% рыла еиҳахеит. Арахь амыругақәа зегьы ахрархәара аамҭа цахьеит. Абарҭ зегьы еилаланы иҟоу аҭагылазаашьахь ҳкылыргоит", — иҳәеит Кациа.

Ареспубликатә унитартә наплакы "Амшынеиқәафымцамч" анџьныр хада Ҭимур Кациа иажәақәа рыла анаплакы аусуҩцәа машәырк шааҟалалак уи аԥыхра нап аларкуеит.

"Ҳара иаразнакы амашәыр аҭыԥ ақәҵара ҳалагоит, ашәарҭадара атехника уи еиԥш алшара ҳнаҭозар. Иҟоуп уахынлагьы абригадақәа амашәыр ахьыҟалаз аҭыԥ ахь ианаҳашьҭуа. Иҳалшо зегь ҟаҳҵоит ауаа рыҩнаҭақәа рҟны алашара ыҟазарц", — иҳәеит иара.

Уахынла аусура анзалмыршахо ашьыжь шаанӡа абригадақәа аусура нап адыркуеит. Ҭимур Кациа ишиҳәаз ала иахьазы амашәыр дуқәа аҭыԥ рымам.

Ажәабжьқәа зегьы
0