Аоппозициаа аҽазныкгьы Ҳаџьымба иацәажәара рҽазыркит

© SputnikАоппозициаа аҽазныкгьы Ҳаџьымба иацәажәара рҽазыркит
Аоппозициаа аҽазныкгьы Ҳаџьымба иацәажәара рҽазыркит - Sputnik Аҧсны
Анапаҵаҩра
НовостиTelegram
Рауль Ҳаџьымбеи аоппозициа ахаҭарнакцәа Михаил Логәуеи Саид Ҭаркьыли раԥхьатәи реицәажәара лҵшәадахеит.

АҞӘА, ԥхынҷкәын 15 — Sputnik, Роберт Џьопуа. Аоппозициа ахаҭарнакцәа, Аԥсны жәлар Рџьынџьтәылатә еибашьра аветеранцәа хәҩык неиит Аԥсны Ахада Рауль Ҳаџьымба иҿцәажәарц. Абри атәы ааицҳауеит аҭыԥ аҟынтәи ҳкорреспондент.

Уаанӡа уахь инеихьаз Михаил Логәуеи Саид Ҭаркьыли Рауль Ҳаџьымбеи реиҿцәажәара лҵшәадахеит.

Иара убри аан аҿагыларатә акциа аиҿкааҩцәа еизаз аҭагылазаашьа еицәашәымтәын, аҩбатәи аиҿцәажәарақәа рылҵшәақәа шәырзыԥшыз ҳәа рарҳәеит.

"Аҭагылазаашьа шәмыруадаҩын. Уахьгьы арахьгьы игылоу ҳаҷкәынцәа роуп", ҳәа алаҳәара ҟаҵан.

Аизара алахәылацәа ачаи ршы рыдыргалоит. Активистцәа афатә-ажәтә: ача, аҭубар, арҵәы уҳәа наргоит.

Аԥшьаша, ԥхынҷкәын 15 рзы излагаз аиҿагылара ф-сааҭк инарзынаԥшуа ацара иаҿуп. Аҟәа, Аԥсуа драматә театр аҿаԥхьа еизеит атәыла Ахада инапынҵақәа шьҭеиҵароуп ҳәа зҳәо аоппозициаа рыдгылаҩцәа.

Ҳаџьымба иганахь иқәгыло еизеит Ахада Иусбарҭа аҿаԥхьа.

Ажәабжьқәа зегьы
0