Урыстәылатәи аҳақьымцәа рааԥхьаразы аҳәара ҟаҵоуп

© Фото : unsplash.comУрыстәылатәи аҳақьымцәа рааԥхьаразы аҳәара ҟаҵоуп
Урыстәылатәи аҳақьымцәа рааԥхьаразы аҳәара ҟаҵоуп - Sputnik Аҧсны
Анапаҵаҩра
Аԥсны Агәабзиарахьчара аминистр Андзор Гоов ашәахьаҽны имҩаԥигеит апресс-конференциа.

АҞӘА, ԥхынҷкәын 20 – Sputnik, Владимир Бегунов. Аԥсны Агәабзиарахьчара аминистр Андзор Гоов ашәахьаҽны имҩаԥигеит апресс-конференциа. Апресс-конференциаҟны аминистр иҳәеит Агәабзиарахьчара аминистрра атәыла Ахада иахь аҳәара шыҟанаҵаз урыстәылатәи аҳақьымцәеи аминистрреи рыбжьара аилаӡарақәа рыбжьарҵарц.

Аминистр иажәақәа рыла уажәазы ареспубликаҟны иазхом еиуеиԥшым азанааҭқәа рзы аҳақьымцәа.

"2016 шықәса рзы аквотақәа ирықәшәо аҳақьымцәа-астоматологцәа ҳзазмырхиеит. Еиуеиԥшым азанааҭқәа рзы зынӡагьы иҳазхаӡом", — иҳәеит аминистр.

Андзор Гоов иажәақәа рыла проблема хаданы иҟоу аҵараиурҭақәа ирылгаз ирҭахуп аҳҭнықалақь аҟны аусура. Урҭ ақыҭақәа рахь зынӡагьы ацара рҭахӡам. Иааидкылан аԥснытәи аҳақьымцәа рҟазаратә ҩаӡара ҳаракуп, ҳәа иҳәеит иара.

"Ҳара ҳҳақьымцәа рдырра ацҵаразы аконференциақәа рахь ицоит. Сара ааигәа Урыстәылатәи амедицинатә Академиаҿ сыҟан. Уа ҳаицәажәеит 2017 шықәса рзы ара, Аԥсны, ахирургиа, апедиатриа, агинекологиа, атерапиа рганахьала акурсқәа мҩаԥыргарц. Акурсқәа аҳәынҭқарратә биуџьет ахарџьқәа рыла имҩаԥгахоит", — иҳәеит Гоов.

Аминистр иажәақәа рыла аҳақьымцәа Аԥсныҟа рааԥхьаразы аминистрра иҟанаҵаз азыҳәа атәыла Ахада иҭак ашьҭахь аҭыԥ иқәҵахоит.

Ажәабжьқәа зегьы
0