Апедиатр хадеи, анеонатолог хадеи, акушер-гинеколог хадеи рнапынҵақәа рҟынтәи рхы иақәиҭтәуп

© Sputnik / Томас ТхайцукРоддом.
Роддом. - Sputnik Аҧсны
Анапаҵаҩра
Ԥхынҷкәын 21 рзы имҩаԥысит Агәабзиарахьчара аминистрра инарҭбаау аколлегиа реилатәара.

АҞӘА, ԥхынҷкәын 22 — Sputnik. Ареспублика апедиатр хада Ада Абыхәԥҳа, анеонатолог хада Саида Конџьариаԥҳа, акушер-гинеколог хада Рита Ҭраԥшьԥҳа рнапынҵақәа рҟынтәи рхы иақәиҭтәуп. Абри атәы аанацҳаит Аԥсны Агәабзиарахьчара аминистрра апресс-маҵзура.

"Агәабзиарахьчара аминистрра инарҭбаау аколлегиа аилатәара аихшьаалақәа рыла ишьақәырӷәӷәоуп ареспубликаҟны апедиатриатә маҵзура ишақәнаго аус ауам ҳәа. Убри инадҳәаланы Ареспублика апедиатр хада Ада Абыхәԥҳа, анеонатолог хада Саида Конџьариаԥҳа, акушер-гинеколог хада Рита Ҭраԥшьԥҳа рнапынҵақәа рҟынтәи рхы иақәиҭтәуп", ҳәа арбоуп аминистрра апресс-маҵзура адырраҟны.

Апресс-маҵзура адырраҭараҟны иара убасгьы иарбоуп ареспубликаҟны аҭыԥ змаз ахәыҷқәа рыԥсҭазаара алҵра инадҳәаланы рыпрофессионалтә ҟазара аҩаӡара шьақәырӷәӷәахаанӡа лахь зҭоуи знапынҵақәа змыхуи амедицинатә усзуҩцәа рганахь ала аӡбрақәа рыдкылоуп ҳәа.

Ажәабжьқәа зегьы
0