Аԥсны амузеи ҿыцқәа ҩба цәырҵраны иҟоуп

© Sputnik / Томас ҬҳаиҵыкәНестор Лакоба иҭоурых-мемориалтә музеи Баграт Шьынқәба иҩны-музеии аартхоит
Нестор Лакоба иҭоурых-мемориалтә музеи Баграт Шьынқәба иҩны-музеии аартхоит - Sputnik Аҧсны
Анапаҵаҩра
НовостиTelegram
Нестор Лакоба иҭоурых-мемориалтә музеи Баграт Шьынқәба иҩны-музеии аартызарц ажәалагала ҟалҵеит Аԥсны Акультура аминистр Ельвира Арсалиаԥҳа Аԥсны Аминистрцәа Реилазаара аилатәараҟны.

АҞӘА, ԥхынҷкәын 28 — Sputnik, Бадри Есиава. Ахаша, ԥхынҷкәын 28 рзы, Нестор Лакоба иҭоурых-мемориалтә музеи Баграт Шьынқәба иҩны-музеии аартызарц ажәалагала ҟалҵеит Аԥсны Акультура аминистр Ельвира Арсалиаԥҳа Аԥсны Аминистрцәа Реилазаара аилатәараҟны. Абри атәы ҳзааицҳаит ҳкорреспондент аҭыԥ аҟынтәи.

Акультура аминистр Ельвира Арсалиаԥҳа лажәақәа рыла амузеиқәа раԥҵара хықәкы хаданы иамоуп ареспубликаҟны зыхьӡ ахыҵәоу арҭ ауаа рхамшҭразы, рыхьӡ анаӡаӡатәразы.

Нестор Лакоба имузеи аусура аанкылахеит Аԥсны жәлар Рџьынџьтәылатә еибашьраан. Амузеи дырҳәит, аха Аҳәынҭқарратә музеи аҟны инханы иҟоуп афонд. Амузеи аиҿкаара шықәсқәак иадхалоит.

Аминистрцәа еицҿакрыла ирыдыркылеит Акультура аминистр лажәадгала.

2017 шықәса рзы иҵуеит Баграт Шьынқәба диижьҭеи 100 шықәса.

"Баграт Шьынқәба диижьҭеи 100 шықәса аҵра иазкны иазыԥхьагәаҭоу ауснагӡатәқәа ируакуп ашәҟәыҩҩы Ҷлоу ақыҭан игылоу иҩны амузеи астатус аҭара", — лҳәеит Арсалиаԥҳа.

Ажәабжьқәа зегьы
0