АҞӘА, ажьырныҳәа 12 – Sputnik. Аԥшьаша, ТУ-154 аҟны иҭахаз, Александров ихьӡ зху ансамбль асолист Андреи Савелиев ихьӡала Нижегородтәи аобласт Сартаково ақыҭаҿ аԥшьа Владимир иуахәамаҿ анцәаиашьапкра мҩаԥыргараны иҟоуп. Абри атәы аанацҳауеит РИА Новости.
Амҽыша, ԥхынҷкәын 25 рзы иҭахаз аҳаирплан ТУ-154 аекипаж рыдагьы иҭан адирежиор Валери Халилов напхгара зиҭоз Александров ихьӡ зху ашәаҳәареи акәашареи рансамбль артистцәеи урыстәылатәи ажурналистцәеи, агәыҳалалратә фонд "Справедливая помощь" адиректор Елизавета Глинка. Аҵыхәтәантәи адыррақәа рыла аҳаирплан иҭан 92-ҩык ауааԥсыра. авиакатастрофаҟны иҭахаз ансамбль асолист Савельев, Нижегородтәи аконсерваториа даушьҭымҭан.
"ТУ-154 аҟны иҭахаз, Александров ихьӡ зху ансамбль асолист Андреи Савелиев ихьӡала Нижегородтәи аобласт Сартаково ақыҭаҿ аԥшьа Владимир иуахәамаҿ анцәаиашьапкра амҩаԥыргара рыӡбеит Андреи иуацәеи иҭахцәеи, иара убасгьы ауахәама ахылаԥшыҩ", — иҳәеит Исаичев.
Иара убасгьы иазгәеиҭеит Савелиев ихаҭагьы абри ауахәамаҟны дышӡаахыз, аныҳәақәа раан араҟа ашәа шиҳәоз.
Анцәаиашьапкра рхы аладырхәраны иҟоуп иҭахаз игәакьацәа, иҩызцәа, изҭахны иҟоу зегьы. Исаичев иажәақәа рыла артист анышә дамардоит арратә ԥсыжырҭаҟны.
