АҞӘА, ажьырныҳәа 17 – Sputnik, Бадраҟ Аҩӡба. Аԥснытәи аҳәынҭқарратә филармониа асолистцәа, жәларбжьаратәи аконкурсқәа рлауреатцәа Лука Гаделиеи Кристина Ешԥҳаи аконцертқәа мҩаԥыргоит ажьырныҳәа 18-25 рзы Челябински Перми ақалақьқәа рҟны. Аконцертқәа рпрограмма шьақәгылоуп ауарӷантәи авокалтәи классикеи аԥсуа милаҭтә мелодиақәеи рыла.
Актәи аконцерт мҩаԥысраны иҟоуп ажьырныҳәа 18 рзы, Челиабинсктәи афилармониаҟны. Егьырҭ аконцертқәа мҩаԥгахоит ажьырныҳәа 21-22 рзы ақалақь Киров, Александртәи акостел аҟны. Ахыркәшаратә концерт мҩаԥысуеит Пермтәи атәылаҿацәтә филармониаҟны.
"Ҳара есышықәса арҭ азалқәа рҟны ҳақәгылоит. Араҟа аконцертқәа даара реиҿкаара бзианы имҩаԥыргоит" — иҳәеит Лука Гаделиа.
Аконцертқәа рпрограмма шьақәгылоуп ауарӷантәи авокалтәи классикеи аԥсуа милаҭтә мелодиақәеи рыла.
