АҞӘА, ажьырныҳәа 20 — Sputnik. Аҳәынҭқарратә Дума аратификациа азнауит Аԥсни Урыстәылеи рыбжьара ахақәиҭра иалхәдоу ахаҿқәа рахьырхәразы рыҭараз Аиқәшаҳаҭра ҳәа аанацҳауеит РИА Новости.
Аиқәшаҳаҭра анапы аҵаҩын Санкт-Петербург, лаҵарамза 28 2015 шықәса рзы аурыс-аԥсуа еизыҟазаашьақәа рыжәларбжьаратә-зинтә база аҿиара аҭара хықәкны иҟаҵаны.
Аиқәшаҳаҭра ахәҭаҷқәа инарықәыршәаны аганқәа хыдҵаны иргоит аиқәшаҳаҭраҟны иарбоу аҭагылазаашьақәа ирықәшәо ахақәиҭра иалхәдоу ахаҿқәа рахьырхәразы дара зтәылауаҩу аҳәынҭқаррахь рыҭара наҟ-ааҟгьы имҩаԥыргаларц. Ашьаус назыгӡо аҳәынҭқарра иара азакәанԥҵара инақәыршәаны ахаҿы ихара ихыгара еиҿнакаауеит.
"Аиқәшаҳаҭра ахәҭаҷ 3 инақәыршәаны ацәгьа зуз ахаҿы иҭара мап ацәкхар алшоит уи, аганқәа руак аҳәынҭқарра асуверинитети, ашәарҭадареи, ауаажәларратә еиҿкаареи аԥырхага анаҭозар. Ацәгьауҩы иҭара мап ацәкхоит иара ифинанстә хыдҵақәа неимыгӡазар» ҳәа аҳәоит аилыркаагатә шәҟәыцҵа аҟны.
