Галуст Трапизониан Аԥсны аерманцәа робшьчина хадара азиуеит

© Sputnik / Томас ТхайцукГалуст Трапизониан
Галуст Трапизониан - Sputnik Аҧсны
Анапаҵаҩра
Аԥсны аерманцәа Рхеилак изаамҭанытәымыз аизара ду аан Аԥсны аерманцәа робшьчина ҳәа ишьақәырӷәӷәахеит.

АҞӘА, ажьырныҳәа 23  – Sputnik, Роберт Џьопуа. Аԥсны Афырхаҵа  Галуст Трапизониан Аԥсны аерманцәа Рхеилак изаамҭанытәымыз аизара ду аан Аԥсны аерманцәа робшьчина ахадас далырхит. Аиҿкаара анапхгаҩ ҿыц  ҭабуп ҳәа реиҳәеит абжьыҭира зхы алазырхәыз.

"Сара иҭабуп ҳәа шәасҳәоит иахьа абрахь шәааины шәыбжьы ахьышәҭииз", — иҳәеит Трапизониан.

Аобшьчина ахадас иара убасгьы икандидатура ықәгылан Аԥсны аерманцәа Рхеилак уаанӡатәи ахантәаҩы Хачик Минасиан. Иара изы рыбжьы рҭиит 82-ҩык аделегатцәа, Трапизониан изы —  124-ҩык.

"Ари аиааира иаанагоу ауаа ирымоу агәрагароуп. Уи акраҵанакуеит. ԥхьаҟагьы ҳусқәа ҩ-напыкла еицаҳкып ҳәа сгәы иаанагоит", — иҳәеит Минасиан.

Аерманцәа Рхеилак аерманцәа робшьчина ҳәа аиҭеиҿкаара адагьы аизара аделегатцәа  аиҿкаара аԥҟаԥҵәа аԥсахрақәа аларгалеит: аобшьчина ахантәаҩы хәышықәса ацынхәрас хышықәса ҳәа ҿҳәарас иманы далырхуеит, иара убасгьы аобшьчина аҩныҵҟа Ахеилак еиҿкаауп, иара иалахәхоит араионтә ҟәшақәа рҟынтәи ахаҭарнакцәа.

Галуст Трапизониан — Аԥсны Аџьынџьтәылатә еибашьра далахәылоуп, Аԥсны афырхаҵа ҳәа ахьӡ ҳаракы иаҭәашьоуп.

Ажәабжьқәа зегьы
0