Агрԥҳа: аԥсарқәагьы Аԥсны аӡыргараз ихкуп

© Фото : НацбанкАԥсны Амилаҭтә Абанк алахәын Ниу-Иорк имҩаԥысуаз 45-тәи жәларбжьаратәи анумизматикатә конференциа-цәыргақәҵа.
Аԥсны Амилаҭтә Абанк алахәын Ниу-Иорк имҩаԥысуаз 45-тәи жәларбжьаратәи анумизматикатә конференциа-цәыргақәҵа. - Sputnik Аҧсны
Анапаҵаҩра
НовостиTelegram
Аԥсны Абанк алахәын Ниу-Иорк имҩаԥысуаз 45-тәи жәларбжьаратәи анумизматикатә конференциа-цәыргақәҵа. Sputnik Аԥсны арадио аҟны абри атәы ҳзеиҭарҳәеит Амилаҭтә банк аусзуҩцәа, аделегациа алахәылацәа Лиана Агрԥҳаи Анаит Нерсисиани.

АҞӘА, ажьырныҳәа 24 — Sputnik. Владимир Бегунов. Ниу-Иорк имҩаԥысуаз 45-тәи жәларбжьаратәи анумизматикатә конференциа-цәыргақәҵа Аҩадатәи Америка зегьы аҟны даара крызҵазкуаны иҟоу усмҩаԥгатәны ишьоуп, ҳәа лҳәеит Амилаҭтә банк аусзуҩы, аделегациа алахәыла Лиана Агрԥҳа.

Урыс бызшәала атекст шәаԥхьар шәылшоит ара >>

Ацәыргақәҵа рҽаназдырхиоз раԥхьаӡа акәны иҭыжьын х-бызшәак рыла еиҿкаау, Аԥсны аԥсарқәа рыӡбахә зҳәо акаталог. Абри атәы еиҭалҳәеит Лиана Агрԥҳа.

"Ацәыргақәҵа аҭааҩцәа ҳастенд даара аинтерес кны иахәаԥшуан. Аԥсны аӡбахә анырзеиҭаҳҳәалак ахсаалаҟны аԥшаара иалагон. Ҳара ҳхықәкқәа ирхадаз Аԥсны аӡыргара акәын. Аԥсарқәа ракәзар уи азы ицхыраагӡан", — лҳәеит лара.

Амилаҭтә банк ацәыргақәҵа алахәра иалҵшәаны иҟалеит ацәыргақәҵа акуратор Кевин Фолли Аԥсны амилаҭтә Банк ахантәаҩы Беслан Бараҭелиа изааишьҭыз ааԥхьаратә шәҟәы лҳоит аделегациа алахәыла Анаит Нерсесиан.

Аԥсуа стенд аҟны иубарҭан дара аԥсарқәа реиԥш аҳәынҭқарратә символикеи егьырҭ ареспублика агәалашәаратә ԥсарқәа рыӡбахә англыз бызшәала изҳәо акаталогқәеи.

"Жәларбжьаратәи анумизматикатә мчыбжьы" мҩаԥысит Ниу-Иорк ажьырныҳәа 2-10 рзы. Есышықәса иара иаҭаауеит зықьҩыла ауаа.

Аколлекциатә материал цәырыргоит ЕАШ (США), Европа, Азиа рҟынтәи адилерцәа.

Ажәабжьқәа зегьы
0