АҞӘА, ажьырныҳәа 24— Sputnik. Урыстәыла аладатәи арратә Округ Аԥсны иҟоу арратә база аҿы изаамҭанытәиу азыҟаҵарақәа мҩаҧысуеит. Дара ирҵоит арратә техника иуадаҩу амҩақәа рҟны арныҟәашьа, урҭ еиуеиԥшым аҭагылазаашьақәа рҟны реинырра шымҩаԥыргаша. Ирхысуеит ашьха мҩақәа, аԥынгыла ахьроуша амҩақәа. Абри атәы ҳзаанацҳаит Аокруг апресс-маҵзура.
Ари акьыԥхьымҭа урысшәала абраҟа шәаԥхьар шәылшоит >>
Азыҟаҵаратә уснагӡатәқәа ирылахәуп шәҩык рҟынӡа аруаа, ҳаамҭазтәи атехника, КамАз, УАЗ, ГАЗ, БТР-82АМ ҳәа изышьҭоу акәылӡтранспортиорқәа, КамАЗ "Мустанг" ҳәа изышьҭоу акәылӡмашьынақәа. Иҿыцу атанкқәа Т-72БЗ ахархәара рыҭоуп.
"Азыҟаҵаратә уснагӡатәқәа ирылахәуп шәҩык рҟынӡа аруаа, ҳаамҭазтәи атехника, КамАЗ, УАЗ, ГАЗ, БТР-82АМ ҳәа изышьҭоу акәылӡтранспортиорқәеи, КамАЗ "Мустанг" ҳәа изышьҭоу акәылӡмашьынақәеи ахархәара рыҭоуп", — иаанацҳауеит апресс-маҵзура.
Аусбарҭа иҟанаҵо аинформациала ауснагӡатәқәа рымҩаԥгараан аус рыдулан аӡқәа ррыцқьара апунктқәа реиҿкаареи ҩымштәи адәтәы ҽазыҟаҵарақәа рымҩаԥгашьа аԥҟаррақәеи. Иара убасгьы аҽазыҟаҵарақәа раан ахы иархәан автомашьына Урал иақәыргылоу, еиҭаҵуа аӡрыцқьагатә комплекстә станциақәа СКО-10 "Гигиена". Астанциа иалшоит 8-10куб. м/с. аӡы арыцқьара.
"Аҽазыҟаҵарақәа мҩаԥысуеит аамҭа-аамҭала, аруаа рдыррақәа реизырҳаразы, рԥышәа амырӡразы", — ҳәа арбоуп адырраҭараҟны.
Аҽазыҟаҵарақәа мҩаԥысуан Гәдоуҭеи Нагвалоуи (Аԥсны Аҳәынҭқарра) Краснодартәи атәылаҿацәи Астрахантәи аобласти (Урыстәылатәи Афедерациа) апалигонқәа рҟны.
