АҞӘА, ажьырныҳәа 26 – Sputnik. Аԥсны иҟоу Урыстәылатәи арратә база аремонтҟаҵара аҟәшақәа аҽазыҟаҵарақәа раан аус адырулеит "аибашьра" ашьҭахь "ааха зауз" арратә техника аиҿагылара адәы ақәгашьа. Абри атәы аҳәоит апресс-маҵзура апресс-реализ аҟны.
Аполигон аҟны аҽазыҟаҵарақәа ирылахәын 100-ҩык рҟынӡа аруаа, арратә техника 20 ак. Алегендала "аӷа" иартиллериа иԥхасҭанатәит атехника. Уи ианаамҭоу азы аибашьра адәы иқәгатәуп. Аҽазыҟаҵарақәа иахьынӡалшоз иҟаларц зылшо аҭагылазаашьа иазырааигәаны имҩаԥган.
Асолдаҭцәа рхы иадырхәон аевоуациатә машьынақәа БРЕМ. Урҭ рыла "аахы зауз" амашьынақәа реиҭашьақәыргыларҭахь инаган. Арҭ амашьынақәа ирылшоит аидара ашьҭыхреиԥш адгьылтә усурақәа рымҩаԥгара, амҩақәа ррыцқьара.
Аҽазыҟаҵарақәа раан аремонтҟаҵаҩцәа инарыгӡеит рнормативқәа. Абри атәы аанацҳауеит арратә округ апресс-маҵзура.
