"Сгәы иҭоу Дениз" аԥсышәала ицәажәеит

© Фото : http://www.menajeri.kim/ҭырқәтәылатәи актиор Аҳмеҭ Кәытси Карадага
ҭырқәтәылатәи актиор Аҳмеҭ Кәытси Карадага - Sputnik Аҧсны
Анапаҵаҩра
НовостиTelegram
Ҭырқәтәыла инхо ҳџьынџьуаҩ Дилеқ Капԥҳа иаҳзеиҭалҳәеит ҭырқәтәылатәи актиор Аҳмеҭ Кәытси Карадага ихы злаху афильм аҿы аԥсышәала дышцәажәаз атәы.

Sputnik, Сырма Ашәԥҳа

Дилеқ Капԥҳа Ҭырқәтәыла дынхоит, аха лгәы лыԥсы зегьы Апсны иҟоуп. Убри рдырырц лҭахуп лашьцәа, Аԥсны инхо.

"Сыԥсадгьыл саҿхагаахоит. Сгәы иалоу, сыԥсҭазаараҿы аҭынч мҩа сызымҭо иахьысымбац ауп. Даараӡа анеира сҭахуп. Исымбакәа Анцәа сумшьын. Сара, Диузџье, Малан ақыҭа сеиуоуп. Сан д-Бганԥҳауп, Мифаеҭ лыхьӡуп. Уажәы Сҭампыл ақалақь аҿы сынхоит", — лҳәеит Дилеқ.

Ҭаацәала зегьы аԥсуара иазҿлымҳауп, аԥсуа бызшәа абжьы ахьдыргара иашьҭоуп. Лашьа Нурлаҳ Ҭырқәтәыла зыхьӡ нагоу ателехәаԥшратә канал Фокс аҟны продиусерс аус иуеит, аԥсуара акыр дашьҭоуп, иажәа ахьынӡанаӡо дашьҭаҩуеит. 

"Сгәы иҭоу Дениз" — абас ахьӡуп иара аус ахьиуа ателехәаԥшратә канал Фокс ала ахәаԥшцәа акыр изызҿлымҳау ателесериал. Ари афильм аҟны ахадаратә роль назыгӡоз аҭырқәа актиори Аҳмеҭ Кәытси Карадагеи сашьеи еиҩызцәа бзиақәоуп, иара дахьыхәмаруаз асериал аҟны аԥсышәала акы иҳәарц иабжьеигеит.

Знык аԥсышәала ажәазаҵәык изҳәар, уи актиор ихаҿсахьа афильм аҿы иаԥсыуахон. Иеиҳәаз дазхәыцит, ашьҭахь дақәшаҳаҭхеит. Сашьа иаразнак сан лахь аҭел дасит. Иҟаз ажәабжь лзеиҭеиҳәеит, насгьы аҳәара ҟаиҵеит ҵакыла афильм иақәнагахаша аԥсышәала цәаҳәак ала ишьақәгылоу ҳәоук иалҳәарц. Ҳан ари ахҭыс даара деигәырӷьеит. Убасгьы наиаҭалкит лыҷкәын ииҳәаз: "Аҭырқәа актиор аԥсышәала абас еиԥш илшозар аҳәара зеиӷьыҟам ауп: "Сыԥсы га, сыпату ааныжь".​​"Sıpsı ga spatu anıj", "canımı al, onurumu bırak" bizi Fox Tv'ye kilitleyen sahne, helal olsun Kutsi! #kalbimdekideniz #Kutsi #AbhazAtasözü pic.twitter.com/vQjGcasgQ1

​"Уи иаҳәоу рацәоуп, сыҷкәын, нан", лҳәеит.  Актиор илиршеит афильм аҩныҵҟа аԥсышәала абжьы агәыларгылара. Ари ахҭыс Ҭырқәтәыла зегьы ирылаҵәеит. Атәымуаа аҭел изасуа иалагеит. "Изакәытә бызшәоузеи, уи иаҵанакуазеи?", ҳәа иазҵаауа иалагеит актиор. Ах, аԥсышәала иарбан хшыҩзцароу иааумырԥшуа?! Уи аҩыза абызшәа хазына абаҟоу?! Ҳарҭгьы аҭел иаҳзасуа, ҳрыԥшаауа иалагеит. Уи заҳаз зегьы "Шәыххьындаз!" рҳәеит. Уи ҳара ҳзы иааира дук иаҳзыҩазахеит. 

Ашьҭахь, афильм аҟны зыҽҭызхуаз актиорцәа рхаҭақәа ҳазҵаауа иалагеит, дара агәаҳәара аадырԥшит анаҩстәи аҭыхрақәа рҟны аԥсышәала даҽа елементқәак алаҳгаларц. Ҳара иӡбаны иҳамоуп аԥсуаа рыкәашара рыдаҳгаларц. Ҳгәы иаанагоит даргьы гәахәала иазнеип ҳәа ас еиԥш ҳлагала.

"Сара сҭаацәараҿы еснагь аԥсуара иалацәажәон, аԥсуа ҟазшьала ҳааӡоуп, аԥсшәа ҳаҳауеит. Саргьы сгәы иаҭаху зегьыҵәҟьа схатәы бызшәала исзымҳәозаргьы, аԥсышәала сцәажәоит. Уара амилаҭ анумоу, ууаажәлар аныҟоу, ухатә ҳәынҭқарра ашьапы ианықәгылоу, уи иарбан еиҳау насыԥс иҟоу?! Ҳарҭ атәым милаҭ ҳрыланхоит, аха ҳшаԥсацәоу ҳдыруеит, уи даара ҳгәы аладууп. Иаҳдыруеит ишҳамоу ҳхатә ҵасқәа, ҳхатә кьабзқәа, ҳкультура", — лҳәеит Делеқ.

Делеқ Капԥҳа дҭаацәароуп. Ҩыџьа ахшара дрануп. Занааҭла дынџьныруп. Лыԥшәма милаҭла даԥсыуаӡам, аха аԥсшәа илырҵахьеит, уимоу аԥсышәалагь ашәақәа иҳәоит. 

"Ҳашьцәа, Аԥснаа! Ҳшәыхьчеит, шәҳахӡыӡааит, ҳзеиуаз амилаҭ еиқәшәырхеит, мамзар ҳарҭгьы аԥсыӡ аӡы зҵабаз ҳаҩызахон атәым дгьыл аҿы. Зегьы рзы  иҭабуп ҳәа шәасҳәоит!"

Ажәабжьқәа зегьы
0