АҞӘА, ажьырныҳәа 30 – Sputnik, Владимир Бегунов. Асы иахҟьаны абылтәы азы ҳаиламхеит, иҳәеит аилахәыра "Абхазтоп" адиректор хада ихаҭыԥуаҩ Валери Антонов.
"Ҳара проблема ҳаманы ҳаҟаӡам. Былтәыла ҳаиқәшәоуп", — иҳәеит Антонов.
Апроблемақәа аҭыԥ рыман абаллон иҭоу агаз аганахь ала.
"Аԥсшьарамшқәа раан, асоура ианалага ауаа аҭел иасны абаллонтә газ аҿарҵон, убри азоуп азымхара зыҟалаз. Аха, иахьа уажәшьҭа агаз изҭахыз зегьы ирзаҳшон, аҭагылазаашьа ҭышәынтәалеит", — рҳәеит агазеихшарҭатә маҵзураҿы.
Адәқьанқәа рҟны ацәашьқәеи асԥычкақәеи рзгьы еилахара ыҟамызт.
"Ацәашьқәа лассы-лассы иаархәоит, избанзар алашара дырцәоит, аха иацы-иахьа урҭ рзы гәаран ҟаҵаны уаҩ дгыламызт", — лҳәоит аҭиҩы Саида.
