Басариа: асы машәыр ҳзаанамгеит

© Sputnik / Томас ТхайцукАслан Басариа апресс-конференциа мҩаԥигеит
Аслан Басариа апресс-конференциа мҩаԥигеит - Sputnik Аҧсны
Анапаҵаҩра
АУН (РУП) "Амшынеиқәафымцамч" адиректор хада Аслан Басариа апресс-конференциа мҩаԥигеит аҩаша, ажьырныҳәа 31 рзы.

АҞӘА, ажьырныҳәа 31 — Sputnik, Бадраҟ Аҩӡба. АУН (РУП) "Амшынеиқәафымцамч" адиректор хада Аслан Басариа апресс-конференциа мҩаԥигеит аҩаша, ажьырныҳәа 31 рзы. Асоурақәа раан ҳфымцатә система машәырда аус ауан иҳәеит иара апресс-конференциаҟны.

"Ҳара ибзианы иаадыруеит иуашәшәыроу ҳҭыԥқәа. Абригадақәа уахь инеины аҭагылазаашьа хылаԥшра азыруан", — иҳәеит иара.

Басариа иажәақәа рыла аҭыԥ рыман аамҭа-аамҭала афымцарцәарақәа, аха урҭ рымзызқәа ишалшоз ала ирласны аҭыԥ иқәырҵон.

Ажьырныҳәа 28 — 29 рзы излагаз асы еиԥымкрада илеиуан адырҩаҽнынӡа, нас иацнаҵеит ашәахьанӡагьы. Амҩақәа рҟны аныҟәарақәа уадаҩны иҟан. Ашколқәеи ахәыҷбаҳчақәеи русура аанкылоуп аамҭала.

Ажәабжьқәа зегьы
0