Џьапуа абазақәеи аԥсуааи рыпрограмма иазкны: абызшәа аиқәырхара ауп изызку

© Sputnik Леон ГунияАҵарауаҩ Зураб Џьапуа
Аҵарауаҩ Зураб Џьапуа - Sputnik Аҧсны
Анапаҵаҩра
НовостиTelegram
"Абазақәеи аԥсуааи: абызшәақәа реиқәырхареи, рырҿиареи, аҭоурыхтә - культуратә ҭынхеи" атемала, ажьырныҳәа 27 рзы Аҟәа имҩаԥган астол гьежь. Уаҟа 10 шықәса рыҩныҵҟа инагӡатәу аус здырулаша апрограмма аԥҵан.

АҞӘА, ажьырныҳәа 31 – Sputnik, Рада Ажьиԥҳа. Аԥсуааи абазақәеи еицаҳзеиԥшу азҵаарақәа хаҳарыла анагӡаразы иаԥҵоу апрограмма ҵакыс иамоу абызшәақәа, акультура, аҭоурых иахьынӡауа рышьҭыхра ауп, абри  иҳәеит аҵарауаҩ Зураб Џьапуа.

"Аԥсуаагьы абазақәагьы рхыԥхьаӡареи, рҭоурыхи ртәы ҳҳәозар, ҳԥеиԥш акыр иазхәыцтәны иҟоуп иахьатәы ҳаамҭазы. Избан акәзар, ҳбызшәақәа ашәарҭа иҭагылоуп. Ҳҭоурыхтә материалқәа рыԥшаара даараӡа апроблема ацны иҟоуп. Ҳажәларқәа ахьынхозаалакгьы рҿаԥыц аҿы иҵәахуп рҭоурых, рҿаԥыц аҿы иҟоуп рбызшәа аԥшӡара. Ажәакала, еиқәырхатәу ирҿиатәу абарҭ азҵаарақәа рҿы ирацәоуп", — ҳәа иҳәеит Џьапуа. 

Зураб Џьапуа иажәақәа рыла, аԥсуа-абаза бызшәақәа ашәарҭа ишҭагылоу гәаҭаны зыхьӡ еицырдыруа Мусса Екзеков Аԥсны анаукақәа Ракадемиа иадигалеит апрограмма.

"Аԥсуа-абазақәа реиқәырхаразы еицыҟаҳҵарц иаҳтаху рацәаӡоуп. Аӡәны ҳаныҟаз аамҭа азыҳәан иҳамаз акультура еиҭа ҳзышьакәыргылозар ҳәа ҳаҿуп. Иҟаҵатәуп иконкреттәу ашьаҿақәа абри ахырхарҭа азыҳәан. "Абазақәеи аԥсуааи: абызшәақәа реиқәырхареи, рырҿиареи, аҭоурыхтә-культура ҭынхеи" захьӡу апрограмма ҩ-ганк еиқәшаҳаҭны еиҿкаау программоуп", — ҳәа азгәеиҭеит иара.

Апрограмма жәа-шықәса аҵанакуеит, хәҭа-хәҭала ишоуп, иҳәеит Аԥсны аҭҵарадыррақәа ракадемиа апрезидент Зураб Џьапуа.

Аԥсны аҭҵарадыррақәа ракадемиа апрезидент Зураб Џьапуа Sputnik Аԥсны иеиҭаз арадиоинтервиу шәазыӡырҩыр ҟалоит абра

"Ари апрограмма ахырхарҭакәа хԥа рыла ишоуп: абызшәа, афольклор, иара убас архивтә документқәа аус рыдулара. Абарҭ ахырхарҭақәа рыла аусура мҩаԥсыуан иааиԥмырҟьаӡакәа", — ҳәа ацыиҵеит уи. 

"Абазақәеи аԥсуааи: абызшәақәа реиқәырхареи, рырҿиареи, аҭоурыхтә-культуратә ҭынхеи" атемала, ажьырныҳәа 27 рзы Аҟәа имҩаԥган астол гьежь. Уаҟа 10 шықәса рыҩныҵҟа инагӡатәу аус здырулаша апрограмма аԥҵан. 

Ажәабжьқәа зегьы
0