АҞӘА, ажьырныҳәа 31 — Sputnik апресс-маҵзура. европаа реиҳараҩык иазырыԥхьаӡоит Евроеидгылазы ЕАШ (США)-и НАТО-и акыр ихәарҭоуп ҳәа, америкаа ракәзар абри иақәшаҳаҭуп рыбжеиҵарак (48%). Абри атәы ҭнаҵаауан Sputnik. Агәаанагарақәа. аҭҵаарақәа мҩаԥнагон аилахәыра Ifop аинформациатә маҵзуреи арадиои Sputnik азы.
Евроеидгылазы ЕАШ (США)-и НАТО-и хымԥадатәиуп ҳәа изшьо рхыԥхьаӡара абас аҽеихнашоит: аполиакцәа (65%), италиаа (65%), анемццәа (63%). Испаниа урҭ 56% иҟоуп, Британиа ду — 54%, Франциа — 53%. Иара убри аан Евроеидгыла ахала ахы ахьчартә иҟоуп ҳәа иршьоит: Франциа (30%), Испаниа (33%), ЕАШ (США) (31%).
Ареспондентцәа рҟынтәи 50 шықәса зхымҵыц роуп еиҳарак ЕС АЕШ(США), НАТО ршәарҭадара рыхьчоит ҳәа изыԥхьаӡо.
НАТО хра аманы аҟазаара азҵаара цәырҵит Дональд Трамп президентс даныҟала ашьҭахь. Уи алианс "ажәит" ҳәа азиҳәеит.
Азҵаарақәа мҩаԥган жьҭаара 22 — 26 рзы. Иара иалахәын 7043-ҩык ареспондентцәа Франциа, Германиа, Италиа, Испаниа, Польша, Британиа ду, ЕАШ (США) рҟынтәи.
Апроект "Sputnik. Агәаанагара" азҵаараҭара лассы-лассы имҩаԥнагоит: Британиа ду, Еиду Америкатәи Аштатқәа, Германиа, Франциа рҟны – еиуеиԥшым асоциалтәи аполитикатәи зҵаарақәа рзы. Изызҵаауа еихыршоит шықәсыла, ахаҵара/аԥҳәысра ала, агеографиатә ҭагылазаашьа ала.
Апроект "Sputnik. Агәаанагара" иазку адыррақәа.
Ауаажәлар ргәаанагара аилкааразы жәларбжьаратәи апроект аусура иалагеит 2015 шықәса, ажьырныҳәамзазы. Апроект ацхырааҩс иқәгылеит аҭҵааратә компаниақәа
Populus, Forsa, iFop. Апроект "Sputnik. Агәаанагара" аҳәаақәа ирҭагӡаны еиуеиԥшым аҵк ҷыда змоу асоциалтә, аполитикатә зҵаарақәа ирызкны лассы-лассы ауаажәлар ргәаанагара аилкааразы аҭҵаарақәа мҩаԥнагоит. Sputnik (sputniknews.com) – ажәабжьтәи арадиотәи амаҵзура атәылақәа жәпакы рҟны ахаҭарнакрақәа амоуп. Sputnik шьақәгылоуп асаитқәа, арадио, амобилтә хархәагақәа, асоциалтә каҭақәа рыла.
