Басариа: афымцарцәарақәа ҟалаӡом

CC0 / / афымцалашара
афымцалашара - Sputnik Аҧсны
Анапаҵаҩра
НовостиTelegram
АУН ( РУП) "Амшынеиқәафымцамч" адиректор хада Аслан Басариа аҩаша имҩаԥигеит апресс-конференциа.

АҞӘА, жәабран 1 — Sputnik, Бадраҟ Аҩӡба. Аамҭа-аамҭала афымцарцәара ҟалаӡом ареспубликаҟны иҳәеит АУН (РУП) "Амшынеиқәафымцамч" адиректор хада Аслан Басариа аҩаша имҩаԥигаз апресс-конференциаҟны.

"Аԥсны зегьы гәыҵхас ирымоуп афымцалашара апроблема. Иахьатәи аамҭазы Аԥсны ахы ианархәо ЕгрыГЕС иаанашьҭуа афымцалашароуп. Уи уажәы аамҭала иаанкылатәуп. Аанкылара мзызны иамоу Џьуартәи аӡеизакырҭеи Аԥсны аҵакыраҿ иҟоу агенерациеи еимаздо атунель агәаҭароуп", — иҳәеит Басариа.

Атунель аҿы аусурақәа азыԥхьагәаҭоуп 2018 шықәса рзы.

"Ҳара агәыӷра ҳамоуп атунель гәазҭараны иҟоу аҟазауаа аԥхасҭара рацәа рбарым, иаарласны апроблема аҭыԥ ақәҵара алҳаршап ҳәа", — иҳәеит Басариа.

Амониторинг мҩаԥганы адокументациа анышьақәыргылахалак ашьҭахь ауп ианеилкаахо афымцастанциа заҟа аамҭа иаанкылахо 2018-тәи ашықәс азы.

"Урыстәыла афымцалашара ҳзоунажьуа иалагар, жәабран 15 инаркны иаанкылахоит ЕгрыГЕС. Хымчыбжьа рышьҭахь агенерациа аҿаҳкуеит, аха аӡы шаҳзымхац иҳазхом. Убри инадҳәаланы уажәы аус адааулоит Урыстәылантәи афымцалашара аиура", — иҳәеит иара.

Аслан Басариа иҳәеит аусурақәа цонаҵы Аԥсны Урыстәылантәи ишаиуа 350 — 500 миллион мааҭ зыхәԥса иартәо афымцалашара.

Ажәабжьқәа зегьы
0