АҞӘА, жәабран 9 – Sputnik, Бадри Есиава. Аԥсны иҟоу Россотрудничество Ахаҭарнакра имҩаԥнагеит урыстәылатәи аҵараиурҭақәа ирҭаларц зҭаху аԥснытәи абитуриентцәа рԥылара. Урыстәылатәи амедицинатә ҵараиурҭақәа ирзоужьу 18 квота роуп иҳәеит Россотрудничество Ахаҭарнакра аконсультант Дмитри Кононов.
"Аԥсны иазоужьу 18 ҭыԥ рҟынтәи — 4 ординатура иазырхоуп, ҭыԥк абжьаратә профессионалтә ҵара иазырхоуп, 13 ҭыԥ азанааҭқәа ирзырхоуп", — иҳәеит Кононов.
Дмитри Кононов иазгәеиҭеит жәабран 8 2017 шықәса рзы Россотрудничество ашҟа ишынарышьҭхьо 320 зыҳәа.
Аҳәаанырцәтәи астудентцәа ралыԥшааразы Ацентр анапхгаҩы Ирина Савченкова абитуриентцәа ирзеиҭалҳәеит аҵараиурҭақәа рҭалара шалшо.
Россатрудничество Ахаҭарнакра Аҟәа иаартын ԥхынҷкәын 18 2009 шықәса рзы.
