АҞӘА, жәабран 15 – Sputnik, Роберт Џьопуа. Аҭагылазаашьа ҷыда аминистрра аусзуҩцәа ақалақь арыцқьараҿ амҩатә маҵзурақәа ацхыраара рырҭоит. Абри атәы Sputnik акорреспондент изеиҭеиҳәеит АҶА аминистр ихаҭыԥуаҩ Тигран Делибалтиан.
"АҶА аусзуҩцәа ишрылшо ала ареспублика амҩақәа ррыцқьараҿы ацхыраара руеит. Очамчыреи Гали атехника ҷыда ала аҭыҳәҭақәа ҭыржаауеит автомашьынақәа рныҟәара армариаразы", — иҳәеит Делибалтиан.
Тигран Делибалтиан иара убасгьы иазгәеиҭеит машәырк џьара иҟалеит ҳәа макьаназы дыррак шыҟамлац.
Жәабран 14-15 руха Аԥсны злеира иалагаз асы макьанагьы ихымкәацт.
