АҞӘА, жәабран 16 — Sputnik. Урыстәылатәи Афедерациа Адәныҟатәи аусқәа рминистр ихаҭыԥуаҩ Григори Карасини Аԥсны Аҳәынҭқарра Адәныҟатәи аусқәа рминистр Даур Ақаҩбеи Москва имҩаԥысыз реиԥылараан ирылацәажәеит атәылақәа рыҩба реизыҟазаашьақәа рырҭбаара азҵаарақәа. Абри атәы аанацҳаит РИА Новости.
"Аганқәа рылацәажәеит ԥхьаҟатәи русеицуреи реинырреи, еиуеиԥшым аусурақәа рҟны хырхарҭақәаны ишьақәдыргыло ртәы", ҳәа аҳәоит адырраҭараҟны.
Адиалог иаанарԥшит аганқәа рыҩбагьы излацәажәоз апроблемақәа рганахь ала ргәаанагарақәа реиԥшызаара, ганрацәала русеицуразы агәазыҳәара амазаара.
