АҞӘА, жәабран 17 — Sputnik. Мшаԥымза 9 рзы имҩаԥысраны иҟоуп Аахыҵ Уаԥстәыла Ахада иалхрақәа. Аахыҵ Уаԥстәыла атәылауаа, Аԥсны, Нхыҵ Уаԥстәыла, Урыстәыла инхо ироуеит алшара Ацҳаражәҳәарҭақәеи Ахаҭарнакрақәеи рҟны абжьыҭира. Абри атәы ажурналистцәа иралҳәеит Аахыҵ Уаԥстәыла Ацентртә алхратә комиссиа ахантәаҩы Белла Плиева. Абри атәы аанацҳауеит Sputnik Аахыҵ Уаԥстәыла.
"Аахыҵ Уаԥстәыла атәылауаа, Аԥсны, Нхыҵ Уаԥстәыла, Урыстәыла инхо ироуеит алшара Ацҳаражәҳәарҭақәеи Ахаҭарнакрақәеи рҟны абжьыҭиразы", – лҳәеит Плиева.
Иахьатәи аамҭазы кандидатцәаны иқәгылоуп: Леонид Тибилов, Анатоли Бибилов, Едуард Кокоиты, Алан Гаглоев, Алан Козонов, Амиран Багаев. Дара рыдгылаҩцәа уажәазы адокументқәеи анапаҵаҩрақәеи реизгара иаҿуп. Акандидатцәа руаӡәк — Владимир Гулиев, икандидатура ықәигеит, Хох Гаглоиты аԥшьгаратә гәыԥ иазхашаз адгылаҩцәа изеизымгеит.
