"Хымԥада, ашәҟәыҩҩы ироман "Аԥҳәыс лыпату" еиҭа иҭыжьтәуп. Аԥсны иааҭыҵхьоу ашәҟәқәа зегьы рҟынтәи жәынтә еиҭаҭрыжьхьеит ари ароман урысшәала. Тиражла иугозар, 278 нызқь екземплиар ҭыҵхьеит. Ароман акыр бызшәақәа рахь еиҭагоуп. Аҩымҭа "Ҭемыр" ала ахы акит ароман ажанр аԥсуа литератураҿы. Убри аҟынтәи, аԥсуа литератураҿы иара илагала акыр ирацәоуп. Сынтәа 105 шықәса ҵуеит Иван Папасқьыр диижьҭеи. Ари аиубилеи азгәаҳҭоит, уаҟа иқәҳаргылоит ашәҟәыҩҩы инапы иҵыҵыз арҿиамҭақәа, иахьа иуԥымло", — иҳәеит уи.
Борис Ҷолариа Амилаҭтә библиотека Иван Папасқьыр ихьӡ шахырҵаз далацәажәеит
Ҳара гәҭакыс иҳамоуп, хыбрала, техникала еиқәыршәаны иҟаҵоу Амилаҭтә библиотека аҟны Иван Папасқьыр имаҭәарқәа, икьыԥхьтә машьына, истол, иҭасԥыҳә, ифотосахьақә уҳәа ахьыҟало амузеи аартра, азгәеиҭеит уи.
