"Иахьа акомитет аҟны ҳгәы иҭоуп 2017 шықәса инаркны 2025 шықәсанӡа аԥсуа бызшәа аҿиара апрограмма ашьақәыргылара аус хацыркуп. Уи ҳара аилак ҳхала мацара ҳакәӡам, Аԥсны Ахада иҟны иҟоу аԥсуа бызшәазы акомиссиа еиҿкаауп, уи акомиссиа иалоуп 25-ҩык ҳҵарауаа. Урҭи ҳареи ҳаицхырааны убас еиԥш иҟоу апрограмма ҟаҳҵоит", — азгәеиҭеит уи.
Нурбеи Ломиа Аҳәынҭқарратә политиказы аилак аусура далацәажәеит
Уажәы аилак аҟны абызшәа арҿиара иацхрааша апроектқәа рылацәажәара мҩаԥысуеит, азгәеиҭеит Ломиа.
"Аԥсуа бызшәа аҿиара афонд иаҳзаарышьҭхьан жәаа проект, иара убас, октиабр азы Ҭали Џьапуаԥҳа аԥсуа бызшәа арҿиара азы ирылалҳәеит аконкурс амҩаԥгара азы апроектқәа рыдкылара ишалагаз", — иҳәеит уи.
Иааидкыланы, аԥсуа бызшәа арҿиара иацхрааша апроектқәа 50 проект рҟынӡа ыҟоуп.
