"Џьара сгәалашәарак аҿгьы исҳәоит cхәыҷрашықәсқәа раан, ажәеинраалақәа рҩра сшалагаз. Уи акы ицәырнагар ауп, акы иадҳәалоуп, аха сара сзы аиҵбыратә классқәа рҟны иҳамаз арҵаҩы илыбзоураны алитература агәыбылра скит. Аха усҟан ажәеинраалақәа зҩуеит ҳәа гәҭакыс исымаӡамызт, аха сышнеиуаз цәаҳәақәак зҩыртә амч сызҭаз Иуа Коӷониа иажәеинраалақәа роуп", — иҳәеит уи.
Вахтанг Аԥҳазоу ианашьаз Дырмит Гәлиа ипремиа иазкны
Вахтанг Аԥҳазоу иазгәеиҭеит, Дырмит Гәлиа ихьӡ зху Аҳәынҭқарратә премиа зианаршьаз ажәеинраалақәа реизга "Зымцахә еиқәу" тематикала еиуеиԥшым арҿиамҭақәа шагәылоу.
