Ҷыҭанаа: жәабрантәи асы амимоза иаԥышәагахеит

© Sputnik / Томас ТхайцукМимоза
Мимоза - Sputnik Аҧсны
Анапаҵаҩра
Yandex newsTelegram
Жәабран 16 - 17 рзы Аԥсназы иааџьоушьартә иҵааит. Адгьыл хҟьаны икажьыз асы, аҵлақәа ирықәжьыз ашәыб ҳәарада иҵааит. Абасеиԥштәи аҭагылазаашьаан амимоза еиқәхоу еиқәымхоу атәы даҳзалацәажәеит Аԥсны аекологиеи аԥсабарахархәареи рзы аҳәынҭеилакы ахантәаҩы Савели Ҷыҭанаа.

АҞӘА, жәабран 20 – Sputnik, Амра Амҷԥҳа. Жәабрантәи асы амимоза иаԥышәагахеит иҳәеит ҳкорреспондент дзыҿцәажәоз Аԥсны аекологиеи аԥсабарахархәареи рзы аҳәынҭеилакы ахантәаҩы Савели Ҷыҭанаа.

Иара иажәақәа рыла амимозаҵлақәа раӷьырак шәҭхьан.

"Мчыбжьык аԥхьа Гәдоуҭа араион Приморское ақыҭа салсны саауан. Амҩа иахьаԥныз амимозаҵлақәа зегьы рышәҭқәа пытны игылан", — иҳәеит иара.

Аеколог хада иазгәеиҭеит арҭ ашәҭҵлақәа рымахәқәа рԥыҵәҵәарадагьы рхаҭақәагьы ҵаауеит ҳәа.

"Уахыки ҽнаки азхоит аҵаа ӷәӷәаан амимозаҵла ԥхасҭахарц азы. Ашәҭқәа ракәзар ипытхьазар иаразнакы ибылуеит, рыԥшшәы еиҭаркуеит", — иҳәеит Ҷыҭанаа.

Амимоза Аԥсныҟа иаагоу шәҭыхкуп. Аԥснытәи аҳауатә ҭагылазаашьагьы зынӡаҵәҟьа иара аҭахрақәа ирықәшәо иҟам.

"Ус шакәугьы амимоза аратәи аԥсабара иашьцылеит, иҿиеит. Аҵыхәтәантәи 5-8 шықәса иҟало ахьҭақәа аԥхасҭа рымукәа иҟам", ҳәа дцәажәеит Аԥсны аекологиеи аԥсабарахархәареи рзы аҳәынҭеилакы ахантәаҩы Савели Ҷыҭанаа.

Амимоза акәзар ареспублика ауааԥсыра рбиуџьет ахь алагалақәа ҟанаҵон. Ирацәаҩуп уи аҳәаа иахыганы изҭиуа.

"Асовет аамҭақәа раахыс амимозашәҭ аҳәса рныҳәа Март 8 иадҳәаланы иахәаԥшуеит, ианыршьалоит", — иҳәеит аеколог хада.

Ажәабжьқәа зегьы
0