Нодик Кәыҵниа даанкылоуп

© Sputnik / Виталий Белоусов / Амедиаҵәахырҭахь аиасраНодик Кәыҵниа даанкылоуп
Нодик Кәыҵниа даанкылоуп - Sputnik Аҧсны
Анапаҵаҩра
Аԥсны Аҩныҵҟатәи аусқәа рминистрра адырраҭарақәа рыла Нодик Кәыҵниа даанкылоуп.

АҞӘА, жәабран 23 – Sputnik. Урыстәылатәи абизнесуаҩ Сергеи Клемантовичи уи иҩыза Оксана Скареднови рышьра далахәуп ҳәа зус ӡбаз Нодик Кәыҵниа, ахаша, жәабран 22 рзы Аҩныҵҟатәи аусқәа русзуҩцәа дааныркылеит. Абри атәы аанацҳауеит Аҩныҵҟатәи аусқәа рминистрра.

Уаанӡа имҩаԥысхьаз аусӡбарала Нодик Кәыҵниа 16 шықәса ашьауӷа ахгара иқәҵан.

"Иҳамаз аоперативтә информациа инақәыршәаны ашьаусԥшаара Аусбарҭа аусзуҩцәа дааныркылеит уаанӡа зус ӡбаз (Аԥсны Аҳәынҭқарра ашьаустә Кодекс ахәҭаҷ 32 ахәҭа 3, ахәҭаҷ 119 ахәҭа 2 апунктқәа "а,е,ж", ахәҭаҷ 99 ахәҭа 2 апунктқәа "а, в, з"), 1957 шықәса рзы Очамчыра араион Аҭара ақыҭан ииз Нодик Кәыҵниа. Аҵыхәтәантәи Аҩныҵҟатәи аусқәа иатәу аамҭалатәи аанкыларҭахь днаган", ҳәа аҳәоит адырраҭараҟны.

2016 шықәса цәыббра 1 азы имҩаԥысуаз аӡбарҭа аилатәараан ахарадҵаҩцәа аҳәара ҟарҵон Нодик Кәыҵниеи, Џьумбер Бигәааи, Аслан Ҵәыџьбеи 20 шықәса рықәҵазарц, Ахра Гоԥиа 17 шықәса иқәҵазарц, Рамин Хмаил 15 шықәса иқәҵазарц. Ацәгьоура азыҟазҵаз аҿаҵаҩы ҳәа дыԥхьаӡоуп Апарламент адепутат Нодик Кәыҵниа.

Аусӡбара ишьақәнаргылоит: Нодик Кәыҵниа 16 шықәса иқәҵазарц, Аслан Ҵәыџьба — 20 шықәса иқәҵазарц, Џьумбер Бигәаа — 15 шықәса, Ахра Гоԥиа – 14 шықәса, Рамин Хмаил – 13 шықәса.

2017 шықәса жәабран 16 рзы Аԥсны Иреиҳаӡоу Аӡбарҭа акассациатә коллегиа абри ашьауӷа ԥсахны аусеиҭадуларахь инарышьҭит. Сергеи Клемантович аилахәыра "ЕЛ Петролеум-Абхазия" напхгара аиҭон. Иареи Оксана Скаредновои ыӡит 2012 шықәса цәыббрамзазы. Рыԥсыбаҩқәа ԥшаан 2013 шықәса жьҭаара 14 рзы Аӡҩыбжьа ақыҭантәи ҵеиџьк аҟны.

Ажәабжьқәа зегьы
0