Ҳаџьымба адҵа ҟаиҵеит галаа анхараз азинқәа рыҭара дырццакырц

© Sputnik / Томас ТхайцукАԥсны Ахада Рауль Ҳаџьымба
Аԥсны Ахада Рауль Ҳаџьымба - Sputnik Аҧсны
Анапаҵаҩра
НовостиTelegram
Аԥсны Ахада Рауль Ҳаџьымба иҽалаирхәит Аԥсны Аҩныҵҟатәи аусқәа рминистрра аколлегиа аилацәажәара.

АҞӘА, жәабран 24 – Sputnik. Аԥсны Ахада Рауль Ҳаџьымба иҽалаирхәит Аԥсны Аҩныҵҟатәи аусқәа рминистрра аколлегиа аилацәажәара. Аилацәажәараҟны Ҳаџьымба анапынҵа риҭеит Гал араион ауааԥсыра анхараз азинқәа рыҭара дырццакырц. Абри атәы аанацҳауеит атәыла Ахада иофициалтә саит.

Иара иазгәеиҭеит Аҩныҵҟатәи аусқәа рминистрреи, Апрокуратура хадеи аӡбарҭатә органқәеи еиҳа лҵшәабзиала реинырразы дасу иҭыԥ аҟны иусура ахаҭабзиара еиҳаитәыроуп ҳәа.

"Дарбанызаалак азин имаӡам ацәгьа уны амҩадуқәа рнылара. Ацәгьа зуз ихәҭаа дшақәшәо идыруазароуп. Абри ауп азинхьчаратә органқәа раҳаҭыр шьҭызхуа", — иҳәеит атәыла Ахада.

Аилатәараҟны ирзааҭгылан Жәлар Реизарахь алхрақәагьы. Ҳаџьымба иазгәеиҭеит ари аамҭазы азинхьчаратә органқәа русзуҩцәа ргәы рҽанны, ауаажәларратә еиҿкаара аилагара алмыршо аус шырулаша.

Ажәабжьқәа зегьы
0