"Шьараҭын" Ҭырқәтәыла имҩаԥысраны иҟоу афестиваль иалахәхаӡом

© Sputnik Томас ТхайцукГосударственный ансамбль народного танца "Шаратын"
Государственный ансамбль народного танца Шаратын - Sputnik Аҧсны
Анапаҵаҩра
НовостиTelegram
Акәашаратә ансамбль "Шьараҭын" ԥхынгәымза 7 инаркны нанҳәамза 8 аҽнынӡа Ҭырқәтәыла имҩаԥсыран иҟоу Жәларбжьаратәи аҟазаратә фестиваль иалахәхаӡом.

АҞӘА, хәажәкыра 11 – Sputnik, Рада Ажьиԥҳа. Едуард Бебиа ихьӡ зху аҳәынҭқарратә акәашаратә ансамбль "Шьараҭын" Ҭырқәтәыла имҩаԥысраны иҟоу афестиваль иалахәхаӡом, абри атәы иҳәеит ансамбль асахьаркыратә напхгаҩы Руслан Бебиа.

Руслан Бебиа иажәақәа рыла, афестиваль алахәхаразы ансамбль ааԥхьара аиуит ашықәс ҿыц аламҭалаз.

"Ас еиԥш иҟоу афестиваль акәашацәа рзы акырзҵазкуа хҭысуп, урҭ рԥышәа аизырҳаразы ицхыраагӡоуп, ааԥхьара анҳарҭа ашьҭахь, ҳара ҳақәшаҳаҭхеит, аха аамҭа маҷк аниас ирҳәеит "афестиваль аҟны ақырҭуа бираҟ ала шәықәгыл", ҳәа, уи ҟалашьа змам усуп", — ҳәа иҳәеит Руслан Бебиа.

Ас еиԥш аҭак аныҟарҵа, иҳәеит асахьаркыратә напхгаҩы, дымҩахыҵит Адәныҟатәи аминистррахь. 

"Иаҳдыруаз аӡәы даанаҳмыжьит. Адәныҟатәи аминистр илшоз ала ари азҵаара дахаҵгылеит. Ҭырқәтәыла инхо ҳдиаспора уахьтәи Адәныҟатәи аминистррахь ашәҟәы рыҩҩит. Аха аҭак иҳауыз ауп, уаҳа акагьы", — ҳәа ацыиҵеит Бебиа.

Аҳәынҭқарратә ансамбль "Шьараҭын" еиҿкаан 1970 шықәса рзы. Раԥхьатәи напхгаҩыс дыҟан еицырдыруа абалетмеистер Едуард Уаҳаид-иԥа Бебиа.

Ансамбль асахьаркыратә напхгаҩы Руслан Бебиа Sputnik Аԥсны иеиҭаз арадиоинтервиу шәазыӡырҩыр ҟалоит абра

Иахьа, ансамбль "Шьараҭын" напхгара аиҭоит иара иԥа – Руслан Едуард-иԥа Бебиа, Москватәи акультура ауниверситет аушьҭымҭа. Ансамбль "Шьараҭын" инанагӡоит афольклортә, ақьабызтә, аритуал ҟазшьа змоу акәашарақәа. "Шьараҭын" арепертуар аҟны иҟоуп "Анхацәа рыкәашара", "Аҽыуаа", "Аҟармыгә-кәашара", "Нарҭаа рыкәашара" уҳәа убас егьырҭгьы. 

Акәашаратә ансамбль "Абаза" аҟазара ҭырқәтәылатәи ахәаԥшцәа аршанхеит Ансамбль иара убасгьы инанагӡоит Кавказ ажәларқәа рыкәашарақәагьы

Ажәабжьқәа зегьы
0