АҞӘА, хәажәкыра 12 – Sputnik, Рада Ажьиԥҳа. Абжьыҭира алшоит алхратә ҭыԥ анҭыҵгьы уи азы ианаамҭаз алхратә комиссиахь азыҳәа ҟаҵазар, ҳәа ҳкорреспондент илзаарыцҳаит Ацентртә комиссиаҟынтәи.
Уи ахаҭарнак лажәақәа рыла аиарҭа иамоу ачымазцәа рзы абжьыҭиразы еиҿкаахар алшоит акәыцҳа-еиҭага. Уи азакәан еиланагаӡом. Аха уи азы атәылауаҩ заанаҵы азыҳәа ҟаиҵахьазар ауп.
"Хәажәкыра 11 рҟынӡа ахәышәтәырҭаҿ ма аҩны ишьҭоу ауаа рнапы аҵаҩны азыҳәақәа алхратә комиссиақәа рхантәаҩцәа рыхьӡала инарышьҭхьазар, уи азыҳәа инақәыршәаны уахь инеиуеит акомиссиа ахаҭарнакцәа", — лҳәеит ААК аоператор.
Жәлар Реизарахь алхрақәа мҩаԥысуеит хәажәкыра 12 рзы 35 алхратә ҭыԥқәа рҿы. Дииааит ҳәа дыԥхьаӡоуп 50% + 1 бжьы зауз акандидат. Ариаҟара бжьы иқәгылаз акандидатцәа рҟынтәи аӡәгьы имоузар, аҩбатәи атур мҩаԥгахоит. Алхрақәа шьақәгылеит ҳәа иазыԥхьаӡоуп абжьыҭиҩцәа рааира 25% артәазар.
