АҞӘА, хәажәкыра 12 — Sputnik. Аԥсны Ахада Рауль Ҳаџьымба ибжьы иҭиит Аҟәатәи алхратә округ аҩбатәи алхратә ҭыԥ аҟны.
Аԥсны Ахада Рауль Ҳаџьымба Апарламенти атәыла Ахадеи рзинмчра аихшара дақәшаҳаҭуп. Абри атәы аанацҳауеит РИА Новости.
Апарламент амчрақәа еиҳа ирҭбаатәума ҳәа ирҭаз азҵаара ашьҭахь иара иҳәеит ари азҵаара аганахь ала игәаанагара аҽшеиҭанамкыц.
"Сара иазысыԥхьаӡоит ареформақәа ирыцҵатәуп ҳәа. Иахәҭоуп амчрақәа реихшара, аха иара убри аан апрезиденттә мчра аформа шыҟац напхгаратә форманы иаанхароуп. Иалшоит атәыла Ахада изинмчрақәак ркьаҿхар, аха Апарламент азинмчра арҭбаара аҭахуп", — иҳәеит иара.
Аԥсны Ахада Рауль Ҳаџьымба ибжьы иҭиит Аҟәатәи алхратә округ аҩбатәи алхратә ҭыԥ аҟны.
Аԥсны имҩаԥысуа апарламенттә лхрақәа ирылахәуп 137-ҩык акандидатцәа. Урҭ рҟынтәи 25-ҩык аполитикатә партиақәа рҟынтәи иқәгылоуп.
Аԥсны Жәлар Реизарахь алхрақәа мҩаԥысуеит хәажәкыра 12 рзы 35 алхратә ҭыԥқәа рҿы. Дииааит ҳәа дыԥхьаӡоуп 50% + 1 бжьы зауз акандидат. Ариаҟара бжьы иқәгылаз акандидатцәа рҟынтәи аӡәгьы имоузар, аҩбатәи атур мҩаԥгахоит. Алхрақәа шьақәгылеит ҳәа иазыԥхьаӡоуп абжьыҭиҩцәа рааира 25% артәазар.
