АҞӘА, хәажәкыра 12 — Sputnik. Урыстәылатәи Афедерациа Ацентртә алхратә комиссиаҟынтәи анаԥшҩы Васили Лихачев дырҭааны ибеит иакымкәа-иҩбамкәа алхырҭатә ҭыԥқәа, ахәшьара аиҭеит абжьыҭиҩцәа рнеира.
Абри атәы аанацҳауеит РИА Новости.
"Сахьахәаԥшуала ауаа рааира бжьаратәуп. Аха шьыжьнаҵы ақәа леиуан", — иҳәеит Лихачев.
Иара иазгәеиҭеит абжьыҭира ҳәа аҿар рацәаны ишнеиуа.
"Иазгәасҭеит аҿар рырацәара. Сзыҿцәажәаз ыҟоуп. Урҭ изҳәо здыруа ракәны избеит", — иҳәеит иара.
Лихачев иара убасгьы иазгәеиҭеит азинхьчаратә органқәа русура бзиа. Иара иажәақәа рыла згәаҭарақәак имоу аиҳарак атехникатә ҟазшьоуп изҵазкуа.
"Алхыҩцәа еиҳа рааира ара иазыԥшуп 12.00 — 13.00 рзы", — иҳәеит Лихачев.
