АҞӘА, хәажәкыра 15 – Sputnik. Урыстәылатәи асапиорцәа рхы иадырхәеит аминеиҵыхга "Змей Горыныч" аполигон Нагвалоу аҟны "аӷа" иминақәа ахьыҵаз, 10 000 метр ԥшьыркца иаҵанакуаз аҭыԥ ахь анеирҭақәа рыҟаҵаразы. Абри атәы аанацҳаит Аладатәи арратә округ апресс-маҵзура.
Арратә техникеи аррамаҵзурауааи рныҟәара ашәарҭадаразы ахархәара рыҭан аминақәа рыԥшаагақәа "Коршун", ИМПС, иршәын асапиортә цәамаҭәа ҷыда "Сокол".
Аҽазыҟаҵарақәа ирылахәын 100-ҩык инареиҳаны аруаа, атехника ҷыда 30 цыра, атанк Т-74 ашьаҭалатәи автомашьынақәа ИМР-2, ирццакны иныҟәоу атраншеиатә машьынақәа БТМ, аҭыжаатә машьынақәа МДК.
Адырраҭара апресс-релиз аҟны иарбоуп иаалырҟьаны анџьнырцәа ирыҭаз адҵа инақәыршәаны афортификациақәа рыргылара еиҿыркааит аамҭа кьаҿла ҳәа.
