АҞӘА — хәажәкыра 21, Sputnik. Апалигонқәа Нагвалоуи Гудауеи рҟны арратә ҽазыҟаҵарақәа ирылахәын 300-ҩык артиллеристцәеи 60-ак арратә техникеи. Аҽазыҟаҵара мҩаԥысуан ахысраз аҽазыҟаҵарақәа рҳәаа иҭагӡаны. Абри атәы Sputnik иазаанацҳаит Аладатәи арратә округ апресс-маҵзура.
"Ауснагӡатә иалахәын 300-ҩык артеллеристцәа. Ахархәара рыман арратә техника: зхала иныҟәо артеллериатә хысгақәа "Акация", азалптә хысга ареактивтә системақәа, аминаршәгақәа "Сани" ҳәа аҳәоит апресс-маҵзура адырраҭараҟны.
Аҽазыҟаҵараан аррамаҵзурауаа иршьаҟьеит "аӷа" ихысырҭатә ҭыԥқәа. Аҭагылазаашьа излалшоз ала аибашьратә ҭагылазаашьа иазырааигәаны имҩаԥган.
Апресс-маҵзура адырраҭараҟны иазгәаҭоуп артелерриатә ҟәшақәа рҽазыҟаҵарақәа уажәшьҭантәи аетап мҩаԥысраны иҟоуп Краснодартәи атәылаҿацә аҟны иҟоу аполигонқәа рҟны ҳәа.
